Jazdyŋ ystyq mausymy bastalysymen qalalyqtar jaǧajaiǧa asyǧady. Jyl saiyn qala aimaǧynda jäne ainalasyndaǧy özen-kölderde qarapaiym qauıpsızdık erejelerın saqtamai şomylǧandar suǧa batyp, qaza tabady. Elordalyq TJD Azamattyq qorǧanys basqarmasynyŋ bastyǧy Azamat Qūsaiynov qauıpsızdık erejesın qalai saqtau kerektıgı turaly onlain-brifingte äŋgımelep berdı.
Kün saiyn qūtqaruşylar, poliseiler, erıktıler jäne jūmyspen qamtu ortalyǧynyŋ qoǧamdyq qyzmetkerlerı tūrǧyndarǧa şomyluǧa rūqsat etılgen oryndar turaly habardar etedı. Sudaǧy qarapaiym qauıpsızdık erejelerın saqtau arqyly şomylu kezeŋın qauıpsız ötkızudı belsendı jürgızetın reidtık ıs-şaralar ötkızedı.
«Reidtık ıs-şaralardyŋ barysynda Polisiia departamentımen bırlesıp, 14 äkımşılık hattama jasaldy. Elordalyq qūtqaruşylardyŋ küşımen şomylu mausymy bastalǧannan berı şomyluǧa rūqsat etılmegen uchaskelerde 3 adam aman-esen qūtqaryldy, onyŋ ışınde 1 bala bar» dedı A.Qūsaiynov.
Ol öz sözınde resmi türde şomyluǧa arnalǧan 4 oryn bar ekenın airyqşa atap öttı. Olar: Ortalyq jaǧajai, «Tri peskaria» demalys aimaǧy, «Stolichnyi dvor» jäne Ş.Beisekova köpırı audanyndaǧy kommunaldyq jaǧajai.
Su aidyndarynyŋ rūqsat etılgen jäne tyiym salynǧan uchaskelerınıŋ tızbesı «2GIS» kartografiialyq platformasynda ornalastyrylǧan.
«Şomylu kezeŋınde kündelıktı 40 qūtqaruşy, 2 bırlık süŋguırlık jaraqtary bar süŋguırler, 6 bırlık jüzu qūraldary jäne Jūmyspen qamtu ortalyǧynan 25 qoǧamdyq qyzmetkerler reid jūmystaryn jürgızedı» dedı spiker.
Şomylu kezınde qauıpsızdık erejelerın saqtau kerek. Şomyludan būryn köleŋkede 5-10 minut kütken dūrys. 20 minuttan artyq jüzuge bolmaidy. Qatty salqyndaǧan kezde denenıŋ qūrysuy paida boluy mümkın, tynys aludyŋ toqtauy, adamnyŋ esınen tanuy da salqyndaǧanda bolady. Arnaiy jabdyqtalmaǧan jerlerde suǧa sekırmeu kerek. Basyŋyzdy su tübındegı tasqa nemese basqa zatqa soǧyp aluyŋyz mümkın. Alysqa jüzbeŋız, öitkenı sız öz küşıŋızdı eseptei almaisyz. Şarşaǧanyŋyzdy sezınseŋız abdyrap qalmaŋyz jäne jaǧaǧa tezırek jetuge ūmtylmaŋyz. Suda kışkene demalyp, arqaŋyzǧa būrylyp, qoldaryŋyz ben aiaqtaryŋyzdyŋ jeŋıl qozǧalysymen özıŋızdı sudyŋ betınde ūstaŋyz.
Eger aǧys alyp ketse, qarsy jüzuge tyryspaŋyz. Aǧyspen tömen qarai jüzıp, bırtındep jaǧaǧa jaqyndaŋyz. Eger aǧys iırımıne tap bolsaŋyz, tereŋ dem alyp, suǧa süŋgıp, bır jaǧyŋyzǧa qarai küştı serpılıs jasap, su betıne qalqyp şyǧyŋyz. Sız arnaiy belgılengen jerlerde şomyluyŋyz kerek, qaiyqtarǧa jaqyndauǧa bolmaidy. Boilamaityn, tereŋ suda oinamaŋyz, qater bolmai, jalǧan dabyl bermeŋız.
