– 20 qaraşada ötetın Prezident sailauy – elımız üşın maŋyzy airyqşa oqiǧa. Būl saiasi dodaǧa el azamattary ǧana emes, şeteldegı qandastarymyz da köz tıgıp otyr. Öitkenı älemdegı iısı qazaqtyŋ jalǧyz Otany bar. Ol – Qazaqstan. Osy tūrǧydan alǧanda, är qazaqtyŋ közınıŋ qaraşyǧyndai bolǧan Qazaqstanymyzǧa köŋıl bölıp, ondaǧy bolyp jatqan özgerısterge basa nazar audaruy – zaŋdylyq.
Bız qazır däuır bölgış kezeŋde tūrmyz. Qazaq halqynyŋ bereke-bırlıgı, yntymaq-dostyǧy – osy kezeŋdegı jürgızılıp jatqan reformalardyŋ oidaǧydai jüzege asuyna mümkındık beretın ūly küş. «Jaŋa Qazaqstan» bır künde qūryla qalmaidy. Qazırdıŋ özınde Qazaqstan qoǧamynda tyŋ özgerısterdıŋ kele bastaǧanyn eskersek, erteŋımız būdan da nūrly, būdan da jaqsy bolady dep senemın.
Qazır halyqaralyq jaǧdai da öte aumaly-tökpelı. Körşılerımızde oryn alǧan jaǧdaidyŋ elımızdıŋ ekonomikasyna da äser etıp jatqanyn bılıp, sezıp otyrmyz. Endeşe osyndai kezeŋde bızge ūstamdylyq, bereke-bırlık kerek. Tynyştyqtyŋ, berekelı qoǧamnyŋ bızge auadai qajet ekenın «Qaŋtar oqiǧasy» körsettı. Qanşama bauyrymyz qyrşynnan qiyldy, el ekonomikasyna qanşama şyǧyn keldı! Demek, bız ötkennen sabaq alyp, ömırımızdıŋ jelkenın dūrystaǧanymyz jön.
Aldaǧy sailau el bolaşaǧy üşın airyqşa maŋyzdy. Bolaşaqta bızdıŋ bilık qoǧamnyŋ qandai bolatyny, qandai özgerıster jasalatyny da osy jolǧy sailaudan anyq körındı dep oilaimyn. Sondyqtan otandastarymyz būl sailauǧa beijai qaramai, belsene atsalysuy kerek. Sailauda ärbır azamattyŋ dauysy maŋyzdy röl atqarady. Sondyqtan bız būl sailauda da jūdyryqtai jūmylyp, berekemızdı, eldıgımızdı körsetuımız kerek. «Altau ala bolsa, auyzdaǧy ketedı, törteu tügel bolsa, töbedegı keledı» deidı qazaq. Törteuımız tügel bolsyn desek, jūdyryqtai jūmylaiyq. Öitkenı «sausaq bırıkpei, ine ılıkpeidı».
Riza QAIYRBAIQYZY,
änşı, QR eŋbek sıŋırgen qairatkerı
