12 mektep salynady
Qala tūrǧyndary sanynyŋ ösuıne bailanysty äleumettık nysandarǧa tüsetın salmaq artyp keledı. Bılım ordalary, äsırese halyq köp şoǧyrlanǧan eldı-mekenderde salynyp jatyr. Elorda äkımı Altai Kölgınov qaladaǧy mektepter qūrylysynyŋ qalai jürıp jatqanyn tekserdı.
«Bügın bırqatar oqu nysandarynyŋ qūrylys barysymen tanystym. Qazırgı №60 mektep-lisei aumaǧynda (Kubrin 21/1 köşesı) taǧy bır mektep salyp jatyrmyz. Mektep aumaǧyn keŋeitemız. Būl mektepke artylǧan şamadan tys jüktemenı azaityp, jaŋa oqu oryndaryn qūruǧa mümkındık beredı. Biyl osy mekteptı paidalanuǧa beremız. Abattandyru jūmystaryna nazar audaru qajet. Osy jyly byltyrǧy jylmen salystyrǧanda ekı ese köp mektep salamyz. Biyl salynatyn mektep sany – 12» dep jazdy qala basşysy özınıŋ instagram paraqşasynda.
Kelesı jyldarǧa da daiyndyq jürıp jatyr. Qala äkımı 2021 jyly paidalanuǧa berıletın Ūly Dala men №39 köşe qiylysynda ornalasqan bılım ordasyn da aralady. Mektep 1200 oquşyǧa eseptelgen (ekı auysymda – 2400). Qūrylysqa jeke investordyŋ qarajaty jūmsalady.