Malaiziia pavilony EXPO körmesındegı atqarylǧan jūmystyŋ nätijelerın biznes-forumda qorytyndylady. Oǧan eldıŋ Energetika, jasyl tehnologiialar jäne su resurstary ministrı Maksimus Ongkili qatysty.
Malaiziia osy uaqyt aralyǧynda qazaqstandyq kompaniialarmen 14 memorandumǧa qoi qoidy. Kelıssözderdıŋ äleuettı ekonomikalyq paidasy 1,173 mlrd dollar kölemınde baǧalanady. EKSPO körmesı aiasynda qol qoiylǧan memorandumdardy ıske asyru üşın Qazaqstanmen odan ärı qarym-qatynastar jalǧasady.
Ministrdıŋ aituynşa, el islamdyq qarjylandyru negızıne süiene otyryp, «jasyl» energetikany qarjylandyruǧa jaŋa şeşım tabuǧa ūmtylady. Malaiziia 2050 jylǧa qarai balamaly energiia közderınen öndırılgen energiiany 50 paiyzǧa arttyru üşın qazaqstandyq ärıptestermen jūmys jasauǧa niettı. Sondyqtan el ükımetı 2016-2025 jyldarǧa arnalǧan energotiımdılık salasyndaǧy ūlttyq ıs-äreket josparyn qabyldady.
Kezdesu soŋynda Maksimus Ongkili Malaiziia pavilonynyŋ jetıstıkterımen bölıstı. Ministr körme barysynda pavilondy 600 myŋnan astam adam tamaşalaǧanyn atap öttı.
