Qazaqstandaǧy 2,2 mln-nan asa adam nemese respublika halqynyŋ 11,5 paiyzy ındetke qarsy tegın egıledı. Būl turaly Densaulyq saqtau ministrlıgınıŋ resmi ökılı Baǧdat Qojahmet Facebook-tegı paraqşasynda jazdy.
Tegın ekpe jasalatyndardyŋ qataryna auru jūqtyru qaupı joǧary sanattaǧylar: sozylmaly auruy barlar, jürek-qan tamyrlary jäne qant diabetımen auyratyndar, sozylmaly ökpe auruyna şaldyqqandar, 65 jastan asqandar, sondai-aq medisina qyzmetkerlerı jatady.
«Densaulyq saqtau ministrlıgı tegın egıletınderdı 20 paiyzǧa deiın jetkızu mümkındıkterın qarastyruda. Iаǧni balalar jäne sozylmaly auruymen dispanserlık tırkeude tūrǧandar, jabyq mekemelerdıŋ qyzmetkerlerı jäne özge sanattaǧylar osyǧan qosylady» dep jazdy B.Qojahmet. Onyŋ aituynşa, Qazaqstan Düniejüzılık densaulyq saqtau ūiymy jäne Jahandyq egu men immunizasiia aliansymen bırlesıp, COVAX Facility baǧdarlamasyna müşelıkke öttı. Būl baǧdarlamaǧa qatysuşy elder halqynyŋ 20 paiyzyna deiın egu üşın ekpe aluǧa haqyly.
