Qazırgı kezde jeŋıldıktı jäne oquşylarǧa arnalǧan kölık kartalary tegın taratylyp jatyr. 30 şıldede Astra Plat elektrondy jüiesın ıske qosu josparlanǧan.
«Astana LRT» JŞS tölem jüielerı ortalyǧynyŋ mälımetınşe, bügınde 44 myŋnan artyq jeŋıldıktı jäne 68 myŋnan astam oquşylarǧa arnalǧan kölık kartasy berıldı. Elektrondy jolaqy töleu jüiesı engızıletın kezeŋde 1 mausym – 31 tamyz aralyǧynda 7-den 15 jasqa deiıngı balalar qalalyq jäne ekspress-marşruttarda tegın jol jüredı. Būl üşın är bala avtobusta atauly kölık kartasyn nemese oqu ornynan berılgen anyqtamany (fotosuretı bar) körsetuge tiıs.
Qoldanystaǧy zaŋnamanyŋ talabyna säikes qala maŋyndaǧy avtobustarda jol jüru barlyq azamattar, sonyŋ ışınde azamattardyŋ jeŋıldıktı sanatyna jatatyndar üşın de aqyly bolyp tabylady. 7-den 15 jasqa deiıngı balalar üşın jolaqynyŋ 50% tölenedı.
Qala maŋyna qatynaityn jolauşylarǧa yŋǧaily boluy üşın kölık aimaqtaryna bölıngen tariftık jelı engızıledı. Mūndai unifikasiia tarifter türın 25-ten 5-ke deiın qysqartuǧa, sondai-aq eldı mekender üşın jolaqy qūnyn 97%-ǧa, orta eseppen 44,5 teŋgege tömendetuge mümkındık beredı.
Sonymen qatar, kölık kartalaryn satu men tolyqtyru jelılerın ūiymdastyru boiynşa jūmystar jürgızılıp jatyr. Qala maŋyndaǧy auyldardyŋ tūrǧyndary kölık kartalaryn avtobus salonynda tıkelei jürgızuşıden satyp alyp, tolyqtyra alady. Kölık kartasy bolmaǧan jaǧdaida, jolauşy jolaqysyn jürgızuşıge nemese konduktorǧa qolma-qol aqşamen tölep, belgılengen ülgıdegı (QR-kodpen) bır rettık qaǧaz bilet aluǧa qūqyly.
Atauly kölık kartalaryn paidalanatyn jolauşylar basqa da artyqşylyqtarǧa ie. Olar qala maŋyna qatynaityn avtobustardan qalalyq jäne ekspress marşruttarǧa tegın auysyp otyra alady. Būl rette jolauşy qala maŋyna qatynaityn avtobustan şyǧa berıste kölık kartasyn terminalǧa qoiuy kerek. Sodan keiın keiın 60 minuttyŋ ışınde ekspress marşrutqa nemese qalalyq avtobusqa otyrady.
Zaŋnama talaptaryna säikes, tegın jol jüru qūqyǧy Astana qalasynda tūratyn azamattardyŋ jeŋıldıktı sanatyna jatatyn tūlǧalarǧa berıledı. Alaida, bügınde atalǧan jeŋıldıkterdı barşa respublikamyzdyŋ halqy paidalanyp jür. Zaŋnamamen säikestendıru üşın Aqmola oblysynyŋ äkımdıgı Astana qalasynyŋ maŋyndaǧy eldı mekenderde tūryp jatqan azamattardyŋ jeŋıldıktı sanatyna jatatyn tūlǧalardyŋ jol jüruın qarjylandyru mäselesın qaruy kerek.
astana.gov.kz
