Astana
Elordada äleumettık jaǧynan az qamtylǧan 700 otbasy kömırmen qamtamasyz etılu kömegıne ie boldy. Jylytu mausymynyŋ soŋyna deiın 1000 otbasy osyndai kömekpen qamtylady dep josparlanǧan.
Almaty
Almatyda Jandosov köşesı boiyndaǧy Aqsai özenı arqyly ötetın köpır qaita jasalyp, paidalanuǧa berıldı. 1963 jyly salynǧan köpır 2015 jyly apatty dep tanylǧan bolatyn.
Aqmola oblysy
Oblys ortalyǧynda ötken Mäulıt keşınde dın ökılderı oblys halqynyŋ jadynda qalǧan jomart jandarǧa syi-siiapat jasady. Sonyŋ ışınde bauyrlaryn örtenıp jatqan üiden qūtqarǧan 8 jasar Ūldana Sovettıŋ otbasyna Krasnyi Iаr kentınen ekı bölmelı jaŋa päterdıŋ kıltın tabystady.
Atyrau oblysy
Atyrauda körkem gimnastikadan «Kaspii jūldyzdary» chempionaty öttı. Oǧan Qazaqstannyŋ tükpır-tükpırınen 400-den asa jas sportşy qyzdar qatysty.
Jambyl oblysy
Taraz qalasynda «7-20-25» ipotekalyq baǧdarlamasyn jüzege asyru maqsatynda arnaiy ortalyqtandyrylǧan tüsındıru keŋsesı aşyldy. Onda baǧdarlamaǧa qatysuşy barlyq ekınşı deŋgeidegı bank ökılderı şoǧyrlanǧan.
Qyzylorda oblysy
A.Toqmaǧanbetov atyndaǧy oblystyq Mädeniet üiınde «Keruen jyrdyŋ jalǧasy» atty jyraulyq mektep şäkırtterınıŋ konsertı öttı.
Türkıstan oblysy
Türkıstan qalasynda alǧaş ret «AGROFEST-2018» auyl şaruaşylyǧy festivalı öttı. Esımhan alaŋynda ötken şarada qonaqtar üşın 1 tonna palau men 1 tonna bauyrsaq daiyndalyp, köpşılıkke tegın taratyldy.
Soltüstık Qazaqstan oblysy
Petropavlda soŋǧy ülgıdegı Oquşylar saraiy aşyldy. Joǧary tehnologiialyq bazasy bar «Digital URPAQ» saraiy «Sifrlyq Qazaqstan» aiasynda ıske asyrylǧan jaŋa buynnyŋ ziiatkerlık damu, robototehnika, biotehnologiia jäne mehatronikanyŋ ortalyǧy sanalady.
Şyǧys Qazaqstan oblysy
Semeidegı Qazaq innovasiialyq gumanitarlyq zaŋ universitetı men qalalyq sot özara yntymaqtastyq turaly memorandumǧa qol qoidy. «Qūqyqtanu» fakultetınde oquǧa arnalǧan sot zaly aşyldy.
