Osydan üş jyl būryn bas qalada qyzylşamen auyrǧan 396 adam anyqtalyp, därıgerlerdıŋ töbe şaşyn tık tūrǧyzǧany esımızde. Ol soŋǧy bes jyldaǧy rekordtyq körsetkış bolatyn. Endı mıne, qyzylşanyŋ qauıpı biyl taǧy baiqaluda. Qaraşa aiynyŋ basynan berı qyzylşa jūqtyrdy degen küdıkpen 38 adam tırkeuge alynypty. Sonyŋ ışınde 20-sy – 1 jasqa deiıngı auruǧa qarsy egılmegen balalar, 8-ı – 1-den 6 jasqa deiıngı büldırşınder. Sol 20-nyŋ 5-uınıŋ ata-analary vaksinadan öz erıkterımen bas tartqandar eken. Mūndai aqparatty Astana qalasynyŋ qoǧamdyq densaulyq saqtau departamentı mälım ettı.
Qūzyrly mekeme basşysy Säduaqas Baiǧabylov qyzylşanyŋ jylda küzgı-qysqy mezgılde paida bolatynyn aitady. Onyŋ mälımetınşe, qauıptı dertpen auyratyndardyŋ 90 paiyzyn 1 jasqa deiın egılmegen jäne 1-6 jas aralyǧyndaǧy balalar qūraidy. Sondai-aq jüktı äielderdıŋ de qyzylşany jūqtyru qaupı zor.
Aǧymdaǧy jyldyŋ 10 aiynda Astana qalasynda qyzylşaǧa qarsy 34 364 bala egılgen. Būǧan qosa, ekpenıŋ 25 342 dozalyq qory bar. Ekpenıŋ barlyǧy sapaly, Qazaqstanda sertifikattalǧan. Soǧan qaramastan, elordadaǧy balalardyŋ jūqpaly aurularauruhanasynda
35 bala em-dom aluda. Onyŋ üşeuı tolyq jazylyp, üilerıne qaitypty. 15-nıŋ qyzylşa jūqtyrdy degen diagnozy rastalyp otyr. Auyrǧan balalarmen qarym-qatynas jasaǧan 37 adamǧa da ekpe egılgen. Atalǧan aurudyŋ jas talǧamaitynynyŋ bır dälelı, 31 jastaǧy er adamnyŋ auruhanaǧa tüsuı.
Alapat aurudyŋ elordadaǧy är jyldardaǧy statistikasy mynadai: 2013 jyly – 8 oqiǧa, 2014 jyly – 50, 2015 jyly – 396, 2016 jyly – 6. Qyzylşa – būl nauqastan auadaǧy tamşylar arqyly berıletın jūqpaly auru. Onyŋ negızgı belgısı – adamnyŋ dene qyzuynyŋ 38-40 S-qa deiın köterıluı. 4 künnen 7 künge deiın täbetıŋız qaşyp, älsızdık basyp, qūrǧaq jötelıŋız küşeise, közıŋız qyzaryp, terıŋız tüse bastasa, bırden därıgerge barǧanyŋyz abzal.
