Analarǧa arnalǧan qolöner ortalyǧy
Keşe Nūr-Sūltan qalasyndaǧy Dostyq üiınde qolöner ortalyǧy men «Analar amanaty» atty körme aşyldy. Oǧan qala äkımı, Parlament deputattary, QHA müşelerı, qoǧam qairatkerlerı, şyǧarmaşylyq jäne ǧylymi intelligensiia ökılderı, sondai-aq astana tūrǧyndary qatysty.
Is-şara basynda belgılı ǧalym Myrzatai Joldasbekov körmenıŋ atauyna erekşe toqtalyp, qazaqta «amanat» degen sözdıŋ qasietı öte joǧary ekenın tılge tiek ettı.
– Amanat degenımız – sertpen teŋ. Oǧan qiianat jasauǧa mülde bolmaidy. Bügıngı körme arqyly elordalyq äielderdıŋ, köpbalaly analardyŋ şyǧarmaşylyǧyn qoldap jatqany üşın rizamyn, – dedı ol.
Būdan soŋ şahar basşysy Baqyt Sūltanov söz alyp, atalǧan ıs-şara Elbasy tapsyrmasyn oryndauda ülken qadamdardyŋ bırı ekenın aitty.
– Elbasy özınıŋ «Ūly dalanyŋ jetı qyry», «Ruhani jaŋǧyru» atty maqalalarynda Qazaqstan halqynyŋ mädenietı men dästürın nasihattau ideiasyn kötergen edı. Būl şara sonyŋ bır aiǧaǧy ıspettı. Mūnymen qosa, biylǧy «Jastar jylynda» jas analar men qyz-kelınşekterdıŋ şyǧarmaşylyǧyn şyŋdauyna barynşa mümkındık bergımız keledı, – dedı.
Saltanatty jiynnyŋ qūrmetıne qazaqy dästür boiynşa şaşu şaşylyp, odan soŋ qonaqtar on sausaǧynan öner tamǧan qyz-kelınşekter men äje-apalardyŋ jūmystarymen tanysty. Aldaǧy uaqytta osy ortalyqta «Kılem – älem joly», «Qazaqstan halqynyŋ ejelgı qolönerı», «Tūrǧyn üi jabdyǧy», «Etnostardyŋ ūlttyq kiımı» sekıldı taqyryptyq körmeler ūiymdastyrylady.