Aqjol demokratiialyq partiiasynyŋ Jambyl oblystyq filialynyŋ ügıt-nasihat toby Taraz qalasyndaǧy ortalyq saiabaq ūjymymen kezdestı.
– Osy saiasi nauqanǧa qatysqan barlyq partiialardyŋ 10 jeltoqsannan bastap ügıt-nasihat jūmystaryn bastaǧany barşaǧa belgılı. «Alaş» qozǧalysy qairatkerlerınıŋ ūlttyq ideiasyn qaǧidatqa ainaldyrǧan 20 jyldyq tarihy bar Aqjol partiiasy da osy saiasi nauqanǧa belsene qatysuda. Bızdıŋ kandidattar elımızdıŋ tükpır-tükpırıne baryp sailaualdy baǧdarlamasyn tüsındırıp, partiia atqarǧan jūmystar turaly aituda. Bügın bız de sızdermen osy maqsatta kezdesıp otyrmyz, – dep atap öttı filial töraǧasy Asan Qoşmambetov.
Kezdesu barysynda partiia filialy töraǧasynyŋ orynbasary Seisegül Düisebaiqyzy partiianyŋ sailaualdy baǧdarlamasymen tanystyrdy. Ol ondaǧy sybailas jemqorlyqqa qarsy bastamalar turaly aitty.
– Eger sybailas jemqorlyq joiylsa, köptegen mäseleler şeşıledı. Kedeiler men bailar arasyndaǧy alşaqtyq qysqarady, – dedı partiia ökılı.
Seisegül Düisebaiqyzy bügıngı taŋda halyqtyŋ äl-auqatyn arttyru basymdyqqa ie ekenın atap öttı. «Bızdıŋ elımızde biznestı, äleumettık salany, auyl şaruaşylyǧyn damytuǧa baǧyttalǧan köptegen memlekettık baǧdarlamalar bar. Bız olardy oryndalmai jatyr dep aita almaimyz. Degenmen qomaqty qarajat bölıngen baǧdarlamalar öŋırlerde naşar ıske asyryluda, olardyŋ keibıreulerı tıptı toqtap qaldy. Sondyqtan bız bırınşı kezekte osyndai josparly baǧdarlamalardy jüzege asyruǧa küş saluymyz kerek» dep atap öttı ol.
Kezdesu barysynda ortalyq park qyzmetkerlerı atauly äleumettık kömek, käsıpkerlık jäne tūrǧyn üi-kommunaldyq şaruaşylyq salalaryna qatysty sūraqtar qoiyp, mazmūndy jauaptar aldy.