Qazaqstan halyq partiiasynyŋ ökılderı Nikonov, Fedorov jäne Jirinovskiilerge sälemdeme joldady. Resei Federasiiasynyŋ Memlekettık Dumasyna joldanǧan sälemdemede qazaqstandyq kämpitter bar.
Şokolodtardyŋ betınde Qazaqstannyŋ kartasy beinelengen. QHP müşelerı qazaq jerınıŋ aumaqtyq tūtastyǧyna köz alartqan mälımdemelerge jauap qatty.
«Qūrmettı Viacheslav Nikonov, Evgenii Fedorov jäne Vladimir Jirinovskii, juyrda Sızder Qazaqstannyŋ aumaqtyq tūtastyǧyna qatysty qatqyl mälımdeme jasadyŋyzdar. Bızdıŋ otandastarymyzdyŋ būǧan naqty jauaby bar. Syrtqy ıster ministrlıgı özınıŋ ūstanymyn jetkızdı. Sızderge küllı älemnıŋ tūrǧyndary jaqsy köretın qazaqstandyq şokoladtardy jıberıp otyrmyz. Kämpit jeŋızder jäne bızdıŋ tarihymyz ben geografiiamyzdy oqyŋyzdar!» delıngen QHP-nyŋ jastar qanatynyŋ RF Memlekettık Dumasynyŋ deputattaryna joldanǧan sälemdemede.
Al Qazaqstan halyq partiiasynyŋ töraǧasy Aiqyn Qoŋyrov elımızdıŋ soltüstık audandarynda qazaq halqynyŋ salt-dästürlerı jäne ädep-ǧūryptaryn nasihattaityn ruhani ortalyqtardy aşudy ūsyndy. «Elımızdıŋ Reseimen şekaralas audandarynda memlekettık tuymyz bekıtılgen tūǧyrlar ornatqan jön. Olardyŋ kölemı 15-20 sm boluy tiıs. Kök bairaǧymyz Reseidıŋ aumaǧynan da körınıp tūrsa, nūr üstıne nūr bolar edı. Mıne, sondai ruhani-aǧartu ortalyǧyn Qarasai jäne Aǧyntai batyrlardyŋ kesenesı maŋynan salaiyq. Bız būl bastamaǧa qarajat jinaimyz, Qazaqstannyŋ barlyq patriottaryn osy ıstı qoldauǧa şaqyramyz» dep jazdy A.Qoŋyrov özınıŋ äleumettık jelıdegı paraqşasynda.
Ol sondai-aq «Ölketanu» pänın 5,6,7 synyptarmen qatar barlyq joǧary synyptarda oqytu qajettıgın aitty. Tanymdyq qyzmetımen qatar būl kurs jas ūrpaqty patriottyq tūrǧydan tärbieleuge erekşe üles qosatyny anyq. «Elımızde ünemı fleşmobtar, ärtürlı aksiialar ötedı. Bıraq azamattardyŋ ruhani közqarasyn özgertu, sanasyn sılkındıruge ol azdyq etedı. Sondyqtan da balalarǧa jastarǧa tarihymyzdy, ölketanudy tolyq oqytatyn kez keldı. Mysaly, Qazaqstannyŋ soltüstık öŋırı – būl ejelden qazaqtyŋ ataqonysy. Tıptı, Sıbırdıŋ oŋtüstıgı men Oral da kezınde Qazaq handyǧynyŋ qūramyna kırgen. Altyn Ordanyŋ astanasy – Saraiberke – Povolje jerınde jariialandy» dep jazdy partiia töraǧasy.