Nur Otan partiiasynyŋ respublikalyq sailaualdy ştaby ökılderı Almaty jäne Şyǧys Qazaqstan oblystarynda boldy.
Almaty oblysynyŋ «İnfraenergo» elektrotehnika önımderın şyǧaratyn käsıporyn ūjymymen kezdesude partiianyŋ öŋırlık sailaualdy baǧdarlamasynyŋ negızgı basymdyqtary talqylandy. Nur Otan aldaǧy 5 jylda öŋırde 134 myŋnan astam jūmys ornyn aşudy, 31 myŋ oryndy qūraityn 80 jaŋa mektep salu arqyly üşauysymdy oqu mäselesın şeşudı, 120 auyldyŋ 190 myŋ tūrǧynyn sapaly auyzsumen qamtamasyz etudı, 72 densaulyq saqtau nysanyn, sondai-aq 120 myŋnan astam päter saludy josparlap otyrǧanyn aitty.
«Elbasy, partiia köşbasşysy Nūrsūltan Nazarbaev «Azamattarmen ärdaiym tyǧyz bailanysta bolu – bızdıŋ partiiamyzǧa körsetıletın tausylmas halyqtyq qoldaudyŋ qainar közı» dep atap öttı. Jalpy, ügıt kezeŋı bastalǧannan berı bızdıŋ qoǧamdyq qabyldaularǧa 56 myŋnan astam ötınış tüstı, onyŋ ışınde 20 myŋdaiy – sailauşylardyŋ ūsynysy men amanaty. Ümıtkerler men senım bıldırılgen tūlǧalar 7,3 myŋ qabyldau ötkızdı. Halyq tarapynan tüsken barlyq ötınış pen amanat erekşe partiialyq baqylauǧa alynady» dedı partiianyŋ respublikalyq sailaualdy ştab jetekşısı.
Partiianyŋ baspasöz qyzmetınıŋ habarlauynşa, azamattardy äleumettık qamtamasyz etu – 22%, TKŞ – 17%, tūrǧyn üi men jer uchaskelerın bölu – 12%, jūmysqa ornalastyru jäne eŋbek daulary – 8%, densaulyq saqtau – 6%, bılım beru 5% jäne t.b. mäseleler tolǧandyrady.
Ştabtyŋ Şyǧys Qazaqstan oblysynda bolǧan saparynda köpbalaly, tolyq emes, erekşe qajettılıkterı bar balalardy tärbielep otyrǧan otbasylardy qoldau maqsatynda äleumettık käsıpkerlıktı, otbasyn jūmyspen qamtudy damytu boiynşa şaralar tūrǧysynda tüsındıru-nasihat jūmystaryn jürgızdı.
«Baqytty otbasy» partiialyq jobasy aiasynda bız tūrmystyq zorlyq-zombylyqty azaitu boiynşa jüielı şaralardy qolǧa alamyz. Eldegı ärbır qala men audanda otbasyn qoldau, otbasylyq şielenısterdı şeşu jäne balaly äielderge uaqytşa tūrǧynjai ūsynu ortalyqtary qūrylady. Būl rette «Otbasylyq-tūrmystyq zorlyq-zombylyqqa qarsy ıs-qimyl turaly» zaŋ qabyldanyp, otbasylyq sottar qūrylatyn bolady. Ömırlık qiyn jaǧdaiǧa tap bolǧan otbasylar men balalarǧa atauly kömek körsetu üşın «111 şūǧyl qyzmet» jūmysy qamtamasyz etıledı» dedı partiia Töraǧasynyŋ bırınşı orynbasary Bauyrjan Baibek.