«Auyl» partiiasynyŋ QR Parlamentı Mäjılısınıŋ deputattyǧyna ümıtkerler Däuren Quat pen Qanat Tasybekov Jambyl oblysynyŋ ziialy qauym ökılderımen kezdestı. Kezdesu barysynda partiianyŋ sailaualdy baǧdarlamasyn tüsındırıp, el tūrǧyndarynyŋ ūsynys-tılekterı tyŋdaldy.
Partiianyŋ sailaualdy baǧdarlamasynda auyldy keşendı damytu mäselelerımen jastardy qoldau jan-jaqty körsetılgen. Mäselen, partiia baǧdarlamasynda jas otbasylarǧa tūrǧyn üi aluǧa jäne tūrǧyn üi jaǧdaiyn jaqsartuǧa, al auylǧa köşıp barǧandarǧa üi aluǧa jäne üi şaruaşylyǧyn qalyptastyruǧa, auylda biznes aşuǧa paiyzsyz nesie beru baǧdarlamasyn engızudı közdelgen. Kezdesude söz söilegen Qanat Tasybekov būl bastama jüzege asatyn bolsa el tıregı auyl jastarynyŋ äleumettık mäselelerınıŋ şeşıluıne tıkelei jol aşylady dep esepteitının jetkızdı. Däuren Quat «Auyl» partiiasynyŋ sailaualdy baǧdarlamasynda balaly otbasylarǧa arnalǧan tiımsız, qysqa merzımdı tölemderdıŋ ornyna kepıldendırılgen «Bala näsıbı» järdemaqysyn engızıp, ony 18 jasqa tolǧanşa töleu ūsynylyp otyrǧanyn aitty.
Sonymen qatar, kezdesu barysynda auylşaruaşylyǧy önımderın öndıru ısımen ainalysyp jatqan käsıporyndar men fermerlerdı qoldau maqsatynda qosymşa qūn salyǧynan bosatyp, nesielerdı arzandatudy közdeitın subsidiia türlerın beseuge deiın qysqartu bastamasy partiianyŋ baǧdarlamasyna enıp otyrǧany aityldy. Kezdesu barysynda ziialy qauym ökılderı partiianyŋ bastamalary auyl tūrǧyndarynyŋ ǧana emes, jalpy jūrtşylyqtyŋ köŋılınen şyǧady dep esepteitınderın aitty. Partiiaǧa aldaǧy sailauda sättılık tıledı.