Ekı jyldyŋ ışınde elımız boiynşa 40-qa juyq ädılet qyzmetkerı qylmystyq jauapkerşılıkke tartylǧan. Onyŋ teŋ jartysy – sot oryndauşylar. Būl turaly Astana qalasynyŋ Ädılet departamentınde ötken «Astana – adaldyq alaŋy» jobasynyŋ köşpelı keŋes otyrysynda belgılı boldy.
QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı töraǧasynyŋ orynbasary Häkım Qūşqalievtıŋ aituynşa, däl qazırgı uaqytta Astana qalasy Ädılet departamentı basşysynyŋ orynbasary Ramazanov pen basqarma basşysy Däuletbaevtyŋ üstınen qylmystyq ıs qozǧalǧan. Lauazymdy tūlǧalar «Astana qalalyq jaryq» mekemesınıŋ atqaru ısın toqtatu üşın 22 mln teŋge kölemınde para aldy degen küdıkpen qamauǧa alynǧan edı.
«Ūlttyq biuro ıs-qimyl sipatyn özgertuge köştı. Bız jazalau şaralaryn tömendetuımız kerek. Qylmystyq ıs boiynşa erekşe män-jailardy anyqtauda şaralar qoldanamyz, bıraq bas bostandyǧynan aiyru emes. Biyl osyǧan bailanysty agenttık töraǧasynyŋ nūsqauymen tiıstı normativtık qūjattar joldandy» deidı töraǧa orynbasary. Osylaişa, ūlttyq biuro para alyp, qamauǧa alynǧandardyŋ jazalau şaralaryn ızgılendırudı qolǧa almaqşy. Olardyŋ pıkırınşe, eger azamattyŋ balalary, üiı bolsa, ol eşqaida qaşyp ketpeidı. Özınıŋ kınäsın moiyndap, qatesın tüsınıp jatsa, ony abaqtyǧa qamap, otbasyna qiyndyq tuǧyzudyŋ qajetı joq. Sondyqtan, qazırgı uaqytta jemqorlyqtyŋ aldyn alu maqsatynda auqymdy ıs-şaralar jürgızılude.
«Bız memleket tarapynan adamgerşılık tanytsaq, är azamat ony dūrys tüsınedı. Eger azamat kınäsın moiyndap tūrsa, nege bız ony tergeu abaqtysyna qamap, elımızde türmede otyrǧandardyŋ sanyn ūlǧaituymyz kerek? Biyldan bastap Qazaqstanda sybailas jemqorlyq jasady degen küdıkpen ūstalǧandar qamalmaidy. Olarǧa qatysty negızınen qamaumen bailanyssyz būltartpau şaralary qoldanylady» dei kele, abaqtydaǧy bır adamdy asyrauǧa jylyna memleket tarapynan bır million teŋgedei aqşa jūmsalatynyn alǧa tartty.
– «Atqaruşylyq ıs jürgızu jäne sot oryndauşylar märtebesı turaly» zaŋǧa jaŋa erejeler engızıluı tiıs. Mysaly, qūjatta «sot oryndauşy qūqyly» degen tırkes jiı kezdesedı. Bıraq, olarǧa mūndai taŋdau berılmei, naqtylaǧan jön. Ekınşıden, zaŋda oryndalu merzımı jaǧyn qaita qarastyru qajet. Sot oryndauşylardyŋ köbı sot şeşımderın uaqytyly oryndamaidy. Onyŋ bır sebebı – zaŋnyŋ şikılıgınde. Sot oryndauşyǧa ekı ai merzım berılgenımen, zaŋnyŋ kelesı normasynda sot oryndauşy men talap-aryz bergen azamattyŋ arasynda jazbaşa şartqa qol qoiylyp, sot oryndauşynyŋ özı merzımın bekıtuı qarastyrylǧan. Demek, sot oryndauşy bır aida şeşe me, alty aida şeşe me, aqşasyn sozyp jüre beruı mümkın. Būl ädıldıkke qaişy keletın ereje» dep tüiındedı Häkım Qūşqaliev.
Aita keteiık, osydan bıraz uaqyt būryn bas qalada memlekettık qyzmet körsetu sapasyn arttyryp, tūrmystyq sybailas jemqorlyqty joiudy közdeitın «Astana – adaldyq alaŋy» jobasy ıske qosylǧan bolatyn.
Gülmira AIMAǦANBET
