Bügın L. Gumilev atyndaǧy Euraziia ūlttyq universitetınde dın salasyndaǧy memlekettık saiasatty talqylau jäne tüsındıru boiynşa student jastarmen kezdesu öttı. Jiynǧa Dın ısterı jäne azamattyq qoǧam vise-ministrı B.Aryn, Qazaqstan mūsylmandary dıni basqarmasynyŋ töraǧasy S. Oraz, Pravoslavtyq şırkeudıŋ mitropolittık okrugynyŋ ısın basqaruşy Qaskeleŋdık episkop Gennadii jäne universitettıŋ prorektory Dihan Qamzabekūly qatysty.
Eŋ aldymen söz alǧan vise-ministr Berık Aryn öz sözınde Prezidenttıŋ «Bes äleumettık bastamasy» tıkelei jastarǧa baǧyttalǧandyǧyna naqtylai toqtaldy.
«Būl bastama Prezidentımızdıŋ serpındı ūsynysy, jas otbasylarǧa tūrǧyn üi aluǧa, jastardyŋ jalaqysyn köteruge, sapaly jäne qoljetımdı bılım beruge, käsıpkerlıktı damytuǧa mümkındık beredı. Elbasynyŋ bes äleumettık bastamalary elımızdıŋ örkendeuı men halqymyzdyŋ äl-auqatyn jaqsartuǧa baǧyttalǧan. Al, būnyŋ barlyǧy tūraqtylyq ornaǧan memlekette ǧana jüzege aspaq. El damuynyŋ negızı – memleket tūraqtylyǧy. Kez-kelgen eldıŋ tūraqty damuynyŋ basty kepıldıgı onyŋ beibıt jaǧdaida tırşılık etuı ekenı belgılı. Iаǧni, qauıpsızdıgın qamtamasyz ete alatyn memleketter ǧana qarqyndy damu jolyna ılıge alady» dep atap öttı».
Osy rette, Qazaqstan mūsylmandary dıni basqarmasynyŋ töraǧasy Serıkbai Oraz Memleket basşysyna osy äleumettık reformalardy jüzege asyruǧa olardy jas ūrpaq üşın ümıt közı retınde bastama kötergenıne qūrmet bıldırdı.
Bas müfti: «Bırde paiǧambarymyzdan bır kısı: «Ua, Allanyŋ Elşısı, eŋ jaqsy adam kım?» – dep sūraidy. Sonda ol: «Eŋ jaqsy adam – qoǧamǧa, elge paidasy tigen pende», – dep jauap bergen. Demek, qazır bızdıŋ qoǧamǧa öz ısınıŋ maitalman mamany bola bılgen imandy, janaşyr, dästürlı qūndylyqtardy qūrmetteitın parasatty mūsylmandar qajet. Bılım men körkem mınezdı, ar men ūiatty öz boiyna ūialatqan ūrpaq eldıŋ kösegesın kögertedı» deidı ol. Sonymen qatar, Pravoslavtyq şırkeudıŋ mitropolittık okrugynyŋ ısın basqaruşy Qaskeleŋdık episkop öz sözınde Prezidenttıŋ jariialaǧan ündeuı eŋ aldymen qazaq halqynyŋ äleumettık äl-auqatyn nyǧaituǧa jäne bızdıŋ memleketımızde ömır süru üşın qolaily jaǧdai jasauǧa «Bes äleumettık bastama» negızgı memlekettık deŋgeige köteruge äleumettık bloktyŋ mındetterın şeşuge baǧyttalǧanyn atap öttı. Äleumettık bastamalardy talqylau barysynda studentter tarapynan köptegen sūraqtar qoiylyp, olardyŋ barlyǧyna qyzyqty da şynaiy jauaptar berıldı. Qoiylǧan sūraqtar qatarynda dın ökıldernıŋ nesie aluǧa degen közqarasy, Qazaqstandaǧy teologiialyq bılım alu jäne taǧy basqa mäseleler qarastyryldy.
«Astana aqparat»
