Biyl bükıl eldı dür sılkındırgen «Qasırettı qaŋtar» oqiǧasyna 1 jyl toldy. Parlamentte memlekettık töŋkerıske itermelegen oqiǧa jan-jaqty talqylandy. Qūqyq qorǧau organdary tergeu qorytyndylary turaly esep berıp, bärı aşyq aityldy. Desek te, jauaby joq sūraqtar älı de köp.
İä, bügınde halyqtyŋ kökeiınde älı de jauaby joq sūraqtar jetkılıktı. Sonymen, «Mūny ūiymdastyrǧan kımder, öitkenı barlyq öŋırde bır mezgılde tolqular bastaldy jäne qasköilerdıŋ negızgı maqsaty ne boldy?», «Qaŋtar oqiǧasy qandai zaqym men şyǧyn keltırdı?», «Lauazymdyq mındetterın atqaru kezınde qaitys bolǧan jäne zardap şekken qyzmetkerlerdı äleumettık jaǧynan qorǧau, kezdeisoq qaza bolǧan azamattarymyzdyŋ jaqyndaryna kömek körsetu boiynşa qandai jūmystar jürgızıldı?» degen saualdar el ışınde aitylyp jür.
Bügıngı künı qaŋtar oqiǧasy boiynşa tolyq tüsınık joq. Eldı ydyratu üşın jasalǧan opasyzdardyŋ jüielı qimyly, qyraǧy daiyndyǧy turaly tek qana boljamdar bar. Aşyǧyn aitsaq, qazır qoǧamda türlı qaueset tarap jatyr. Būl ahual jalǧan tüsınık qalyptastyryp, feik aqparattardyŋ tarauyna zor yqpalyn tigızıp otyr. Sondyqtan qūqyq qorǧau organdary tergeu qorytyndysyna süiene otyryp, oqiǧanyŋ bırızdı män-jaiyn aşyq aityp, onyŋ ädıl baǧasy berıluı kerek dep sanaimyz.
Osyǧan bailanysty «Jaŋa Qazaqstan» deputattyq tobynyŋ müşelerı tiıstı küştık qūrylymdar men memlekettık organdardan 2023 jyldyŋ basynda Mäjılıstıŋ alǧaşqy jalpy otyrysyna kelıp, joǧaryda aitylǧan jäne basqa da saualdarǧa bükpesız aşyq jauap berudı talap etemız.
Edıl Jaŋbyrşin, Mäjılıs deputaty
P.S: Bügın saǧat 10:00-de Mäjılıstıŋ biylǧy alǧaşqy jalpy otyrysynda deputattar «Jaŋa Qazaqstan» deputattyq tobynyŋ qaŋtar oqiǧasyna qatysty saualyna elımızdıŋ Bas prokurory Berık Asylovtyŋ jauabyn tyŋdaidy. Būdan bölek, saǧat 9:00-de ǧimarat foiesınde Bas Prokuratura, Işkı ıster ministrlıgı jäne Qorǧanys ministrlıgı arnaiy körme ūiymdastyrady.
