Elordadaǧy №83 mekteptıŋ aldynda qazaq dalasynda alǧaşqy qoŋyrau soqqan aǧartuşy pedagog Ybyrai Altynsarin müsını ornatyldy.
Tūǧyry granitten, negızı qoladan qūiylǧan müsınnıŋ aşylu räsımıne Nūr-Sūltan qalasy äkımınıŋ orynbasary Ashat Oralov, Nūr-Sūltan qalasy mäslihatynyŋ deputaty, L.Gumilev
atyndaǧy Euraziia ūlttyq universitetınıŋ rektory Erlan Sydyqov, aqyn Nesıpbek Aitūly jäne basqa da ziialy qauym ökılderı qatysty. «El tarihyndaǧy eleulı tūlǧalardy ūlyqtau – bızdıŋ paryzymyz. Bügın bız qazaq halqynyŋ aiauly perzentı, sanaly ǧūmyryn, qajyr qairatyn bala tärbieleuge jäne halyqtyŋ aǧartu ısıne arnaǧan ūly tūlǧa Y.Altynsarinnıŋ biustyn aşuǧa jinalyp otyrmyz. Būl aǧartuşynyŋ 180 jyldyq mereitoiyna arnalǧan igı şara dep esepteimız. Aldaǧy uaqytta däl osy №83 orta mektebıne Y.Altynsarinnıŋ esımı berıledı degen josparymyz bar. Mūndai igı bastamalardy ärı qarai da jalǧastyra beremız» dedı Ashat Oralov.
Şaraǧa qatysqan qoǧam qairatkerlerı de ūstaz märtebesın ūlyqtau, bılım berudıŋ sapasyn arttyru baǧytyndaǧy Altynsarinnıŋ armany bügınde aqiqatqa ainalǧanyn tılge tiek ettı.
