Saryarqa audanynyŋ äkımı Eset Baiken qalanyŋ şetkı aimaq tūrǧyndarymen kezdesulerdı jalǧastyryp jatyr. Ötkende «Köktal-1» tūrǧyn alabynda atqarylǧan jūmystar turaly baiandasa, osy aptada «Agroqalaşyq» tūrǧyn alabynyŋ tūrǧyndarymen kezdestı. Nūr-Sūltan qalasy mäslihatynyŋ deputaty Erlan Däkenov qatysqan jüzdesude audan basşysy eldı mekende tiianaqtalǧan ıster turaly aityp, tūrǧyndardyŋ sūraqtaryna jauap berdı.
«Agroqalaşyq» tūrǧyn alabynda biyl köşelerdı jöndeu, qoǧamdyq keŋıstıkter salu, gaz tartu siiaqty bırqatar mäseleler şeşıldı. Atap aitqanda, bır qoǧamdyq keŋıstık salynyp, 8 köşege asfalt töseldı. 21 köşege jaryq tartylyp, 11 köşe äkımdık balansyna qabyldandy. 7 aula abattandyryldy. 4 baǧdarşam, 5 jyly aialdama ornatyldy. Jaŋa №26 qoǧamdyq kölık baǧdary ıske qosyldy. 10-ǧa juyq köşege qajettı jol belgılerı qoiyldy. Su tasqynynyŋ aldyn alu üşın 21 mekenjaida jalpy ūzyndyǧy 5 myŋ metrdı qūraityn su ötkızu qūbyrlary tartyldy.
Qazırgı taŋda «Agroqalaşyq» tūrǧyn alabynda 70-ten astam köşege gaz tartyldy. Qalǧan 20 köşenı qaraşa aiynyŋ ortasyna deiın qosu josparlanuda. Bügınge deiın 235 üi gazǧa qosylsa, 665 tūrǧyn tehnikalyq şarttardy aldy.
Audan äkımı tūrǧyndarmen keler jylǧa qoiǧan josparlarymen bölıstı. Mysaly, aldaǧy jyly «Agroqalaşyq» tūrǧyn alabynda köşelerdı jöndeu, 1200 orynǧa arnalǧan mektep qūrylysyn bastau, elektrquatymen qamtamasyz etetın ECh-8 jelısın äkımdık qaramaǧyna alu, aulalardy mümkındıgı şekteulı jandarǧa beiımdei otyryp, inkliuzivtı alaŋdar jasau, aialdama keşenderın qalypqa keltıru jäne t. b. jūmystar josparlanuda.
Tūrǧyn alaptardy damytu baǧytyndaǧy jūmystar – qala äkımı Altai Kölgınovtıŋ qataŋ baqylauynda. Eset Baiken aldaǧy uaqytta «Köktal-2» tūrǧyndarymen kezdesedı.
