Evgeniia:
– Qaiyrly kün! PİK jüzege asyruǧa tiıs qyzmet türlerınıŋ tızımın berıŋızderşı. Ai saiynǧy tölem qaida ketedı? Osy tölemdı alǧan PİK ne ısteuge tiıs? Nemese osy aqparatty aluǧa bolatyn derekközın körsetıŋızderşı, PİK-tegıler menıŋ sūraǧyma jauap bergısı kelmeidı.
JAUAP:
– Evgeniia, (päter) üijaidy ielenuşıler kooperativı (P/ÜİK) tūrǧyn üijailardy, ortaq paidalanymdaǧy jerlerdı, ǧimarat pen töŋırektegı jer aumaǧyn kütıp ūstap, qadege jaratu jäne basqaru; kommunaldyq jäne basqa qyzmet türlerın jetkeruşılermen, memlekettık organdarmen, barlyq menşık pışımındegı mekemelermen, ūiymdarmen özara äreket jasau maqsatynda qūrylady. Sondai-aq, (päter) üijai ielenuşılerdıŋ bärınıŋ üidı kütıp ūstauǧa jäne paidalanuǧa bailanysty şyǧyndardy öteu ısıne tügel qatysuyn qamtamasyz etedı.
2011 jylǧy 12 jeltoqsandaǧy №479 «Kondominium nysanynyŋ ortaq mülkın kütıp ūstau şyǧyndarynyŋ smetasyn esepteu ädıstemesıne» sai ortaq mülıktı kütıp ūstauǧa arnalǧan şyǧyndarǧa mynalar jatady: – materialdyq qajettılıkterge arnalǧan şyǧyndar;
– eŋbekaqy töleuge jūmsalatyn şyǧyndar;
– mamandandyrylǧan ūiymdardyŋ qyzmetıne jūmsalatyn şyǧyndar;
– üige ortaq esepteu qūrylǧylaryn satyp alu şyǧyndary.
Üilerdıŋ tūrpatyna, qabattylyǧyna, kıreberısterınıŋ sanyna, qūrylymdyq erekşelıkterıne, alaŋqailary men töŋıregındegı jer aumaǧynyŋ abattandyryluyna, olardyŋ tehnikalyq ahualy men tozu deŋgeiıne bailanysty kondominiumdardyŋ ortaq mülkın kütıp ūstauǧa jūmsalatyn şyǧyndar da aiyrmaşylyqqa ie bolady.
«Äkımge öz saualyŋdy jolda» aidarynyŋ aiasynda tolyq aqparat beru mümkın bolmaǧandyqtan, onymen myna mekenjaida: Bigeldinov köşesı 74/1-üide ornalasqan Astana qalasy tūrǧyn üi inspeksiiasynyŋ basqarmasyna baryp nemese QR Qūrylys ısı jäneTKŞ agenttıgınıŋ www.ads.gov.kz saityna kırıp, özıŋız tanysuyŋyzǧa bolady
