Elordadaǧy «Janūia» ortalyǧynda «Zorlyq-zombylyqqa qarsy 16 kün» şarasy aiasynda onlain formatta «Baqytty otbasynyŋ modelı» atty döŋgelek üstel öttı. Jiynda qoǧamdaǧy kökeikestı mäselenıŋ bırı – tūrmystyq zorlyq-zombylyq taqyryby talqylandy.
Şaraǧa Nūr-Sūltan qalasy äkımdıgı janyndaǧy äielder ısterı jäne otbasylyq-demografiialyq saiasat jönındegı komissiia hatşysy Möldır Bölebaeva, qazaqşa küres, grepling, jekpe-jek akademiiasynyŋ trenerı Toqtar Zarubekov, «Qara şaŋyraq» qoǧamdyq bırlestıgınıŋ töraiymy, jurnalist, qalalyq äielder ısterı jäne otbasylyq-demografiialyq saiasat jönındegı komissiia müşesı Tūrar Şäken, «Ümıt» daǧdarys ortalyǧynyŋ direktory Galihan Kukanbekov jäne özge de sala mamandary, köpbalaly analar qatysyp, jiynda otbasyndaǧy erlı-zaiyptylardyŋ rölı, ūldardy jıgerlı, ruhty, azamat etıp tärbieleu joldary aityldy.
Sonymen qatar zorlyq-zombylyqqa ūşyraǧan otbasy müşelerıne psihologiialyq, qūqyqtyq kömek körsetu, zorlyq-zombylyq qūrbandaryn oŋaltu boiynşa qyzmet körsetu, halyq arasynda tüsındıru jūmysyn ötkızu, tūrmystyq qylmystar men qūqyqbūzuşylyqtardyŋ aldyn alu mäselelerı ortaǧa salyndy.
Qūqyq qorǧauşylardyŋ aituynşa, balalarǧa zäbır körsetu deregı azaimai tūr. Qalada jastar jäne jasöspırımder ısımen ainalysatyn memlekettık mekemeler, daǧdarys ortalyqtary jūmys ısteidı. Ükımettık emes ūiymdar da jetkılıktı. Alaida otbasynda zorlyq-zombylyq köretın äiel men bala tiıstı deŋgeide qorǧalmai otyr. Äsırese, karantinnen keiın de tūrmystyq qylmys bırneşe esege ösken.
«Ruhani qoǧam älemı» qoǧamdyq qorynyŋ prezidentı, qalalyq äielder ısterı jäne otbasylyq-demografiialyq saiasat jönındegı komissiia müşesı, psiholog Limana Qoişieva öz ata-anasynan jäbır körgen balalardyŋ artqanyn aitady. «Mäselen, 10 jasar qyz instagram paraqşamyzǧa «Baqytty otbasynyŋ modelı qandai bolady?» dep saual joldady. Qazır baqytty ömır sürıp jatsaq ta, otbasynda tüitkılder köp. Ana bolu, bala tärbieleudıŋ özı – ülken mektep. Qoǧamdaǧy ananyŋ rölın aiqyndauymyz kerek. Äieldıŋ baqyty – otbasynda. Balasyn tärbielei otyryp, özıne uaqyt tabuy kerek. Sportpen ainalysyp, sūlulyǧyn saqtap, bılımın jetıldıruı qajet. Qyzmette jürgen adam men qazan-oşaqtyŋ arasynda künın ötkızetın äieldıŋ deŋgeiı ekı türlı. Ortaq äŋgıme bolmaidy. Sondyqtan köp otbasynda dau-janjaldar tuyndaidy. Üide otyrǧan äielderge özın-özı ünemı jetıldırıp otyru qajet. Jyl basynan berı qalalyq departamentpen bırge 12 otbasyna kömek körsetıldı. Bügıngı şaranyŋ özı – jaŋa nätije» dedı psiholog.
Naima NŪRALYQYZY
