Elordada jaryq köretın qazaq tılındegı merzımdı basylymdardyŋ sany taǧy bır gazetpen tolyqty: Almatydan «Aiqyn» gazetı redaksiiasy köşıp keldı.
«Aiqyn» – qazaq baspasöz aidynynda soŋǧy 14 jyldan berı üzdıksız jaryq körıp kele jatqan basylym. Bügınde būl gazet aptasyna 4 ret şyǧady.
2004 jyldyŋ 6 nauryzynan berı Serık Janbolat, Bauyrjan Omarūly sekıldı qazaq jurnalistikasyndaǧy belgılı tūlǧalar basqarǧan gazettıŋ bügıngı bas redaktory – talai jas jurnalistıŋ tūsauyn kesken Qazaqstan Respublikasy Prezidentı syilyǧynyŋ iegerı, Qazaqstannyŋ eŋbek sıŋırgen qairatkerı Nūrtöre Jüsıp.
2005 jyly Prezident alǧys hatymen, 2006 jyly «Altyn jūldyz», 2017 jyly «Üzdık respublikalyq baspasöz basylymy» nominasiiasynda «Ürker» ūlttyq syilyǧymen marapattalǧan basylym qazır de alǧan baǧytynan taimai, saiasat, ekonomika, äleumet, mädeniet taqyryptarynda özektı mäseleler köterıp, bedelıne bedel qosyp keledı. Gazettıŋ är nömırındegı maqalalar türlı saraptamalyq şolularda, pıkırtalastarda negızgı taqyrypqa arqau bolyp keledı.
Keşe «Astana aqşamy» gazetı ūjymy Almatydan kelıp jatqan «Aiqyn» redaksiiasyn jaŋa qonysymen qūttyqtap, şaşu şaşyp bardy. Astanalyqtar qataryna qosylǧan ärıptesterımızge şyǧarmaşylyq tolaiym tabys tıleimız!
