Astanadaǧy №68 orta mektebınde «Alaş joly – Täuelsız Qazaqstan» atty mektep pedagogikalyq ūjymynyŋ, oquşylar men ata-analardyŋ ǧalymdarmen kezdesuı bolyp öttı.
Aldymen mektep direktory Şärıphan Jakenbai, biylǧy oqu jylynyŋ basynda Astana qalasy Bılım basqarmasynyŋ qoldauymen «Alaş joly» täjıribelık alaŋy aşylǧanyn aitty. Jahandanu zamanynda jastarymyz aqparat aǧynynda adaspaityn dūrys baǧyt-baǧdar alyp, ärtürlı terıs aǧymdar, laŋkestık pen dıni ekstremizmnıŋ yqpalyna tüsıp ketpes üşın osy jerde patriottyq, otansüigıştık tärbie berılmedı. Osyǧan orai, Alaş qairatkerlerınıŋ ömırı men halyqqa qyzmetın, bılımge, ǧylymǧa degen, ūltymyzdy azattyqqa, egemendıkke jetkızu jolyndaǧy janqiiarlyq eŋbegın jastarymyzdyŋ sanasyna sıŋıru maqsatynda ūiymdastyrylǧan şaraǧa L.Gumilev atyndaǧy Euraziia ūlttyq universitetınıŋ ǧalymdary, filologiia ǧylymdarynyŋ doktorlary Dihan Qamzabekūly men Amantai Şärıp, geografiia ǧylymdarynyŋ doktory Ordenbek Mazbaev jäne «Tūran» universitetınıŋ professory Mūhamedkärım Qūrsabaev qatysty. Qonaqtar ärbır jas azamat aldynda keleşektıŋ basty ömırlık qūndylyǧy – Otanymyzdyŋ taǧdyryna erekşe jauapkerşılıkpen qarap, onyŋ müddesın qorǧauǧa äzır bolyp, halqymyzdyŋ mädenietı men dästürın qūrmettep, alǧa aparu mındetınıŋ tūrǧanyn tılge tiek ettı. Ärbır Alaş qairatkerınıŋ ömır joly, Otanǧa, halyqqa qyzmet etudıŋ ülgısı, «Alaş» qozǧalysy ideialarynyŋ älı de, özektı ekendıgı turaly qūndy oilar aityp, jastardy ūrpaq sabaqtastyǧyna ündedı.
Astana qalasy Bılım basqarmasy basşysynyŋ orynbasary Qasymhan Senǧaziev şarany qorytyndylai kele, bügıngı Täuelsızdıgımızdı tūǧyrly etude, jastardy oqytu men tärbieleuge Alaş jolyn taŋdaǧan mektep ūjymyna sättılık tılep, ūtymdy ūsynystar aitty. Jiyn soŋynda Alaş qairatkerlerı turaly öleŋder oqylyp, patriottyq änder şyrqaldy.
S.ŞABKENOVA,
Astana qalasyndaǧy №68orta mektebı
direktorynyŋ tärbie ısı jönındegı orynbasary
