Äskerımızdıŋ äleuetı jönınde äŋgıme qozǧalsa «Küş-quatymyz jyldan-jylǧa artyp keledı» dep maqtanamyz. Oǧan sebep joq emes. Älemdık Global Firepower (äskeri äleuettı zertteitın ūiym) ūiymynyŋ reitingınde Qazaqstan soŋǧy 4 jylda 80-orynnan 53-orynǧa köterıldı. Būl ūiym äleuet qauqaryn 50 faktor boiynşa esepteidı. Jedel qimyldaityn, zamanaui jabdyqtalǧan 75 myŋdyq äskerımız bar.
Soŋǧy 4 jylda qorǧanys salasyna jūmsalatyn şyǧynymyz 2 mlrd AQŞ dollarynan 2,7 mlrd dollarǧa deiın ösıptı. Äuedegı tynyştyqty küzetetın 240 äskeri ūşaǧymyz ben tıkūşaǧymyz bar. Äuedegı şabuyldan qorǧanatyn 160-qa juyq zymyrandyq keşenımız de eşkımnen kem emes. Äskeri-teŋız küşterınde 12 patruldık kememız Kaspiidegı suymyzdy «süzıp» jür. Būǧan Joǧarǧy Bas qolbasşyǧa (Prezidentke) tıkelei baǧynatyn desanttyq-şabuyldauşy äskerler men qūrlyq äskerlerın qosyŋyz. Qysqasy, elımızdıŋ şekaralaryn kündız-tünı kırpık qaqpai qorǧap tūrǧan äskerımız älsız emes.
Äskerdıŋ äl-quatyn aitqanda Elbasymyz Nūrsūltan Nazarbaevtyŋ qazaqstandyqtardyŋ aldyna qoiǧan jalpyūlttyq maqsaty – älemnıŋ damyǧan 30 memleketınıŋ ortasynan oiyp tūryp oryn aludy tılge tiek etemız. Älemdegı damyǧan alpauyt elderdıŋ bırı – AQŞ. Salystyryp körelık: Qazaqstannyŋ äskeri biudjetı 2,7 mlrd dollardy qūraidy, al AQŞ Kongresı 2005 jyly būl salaǧa qosymşa 90 mlrd dollar böletın-dı. Bır ǧana Pentagonnyŋ jyldyq biudjetı bügıngı taŋda 500 mlrd AQŞ dollaryn qūraidy.
Äskeri äleuet äsker sanymen ǧana ölşenbeidı. «Sen jaudan qaşsaŋ, ömır senen qaşady» deptı bılıktı qolbasşy Bauyrjan Momyşūly atamyz. Bızge asqaq ruhty, naǧyz patriot sarbaz kerek. Oǧan anasynyŋ qūrsaǧynda jatqannan bastap ūlttyq tärbienıŋ dänı egıluı tiıs. Jas balanyŋ, jas jıgıttıŋ sanasyna jaidan-jai otanşyldyqty, patriotizmdı ügıtteu-nasihattau arqyly ornyqtyru mümkın emes. Eŋ aldymen, bız imandylyqty ornatuymyz kerek. Otanşyldyqty imandylyǧy bar adamnyŋ boiyna sıŋıru oŋai. Patriottyq sezım adamnyŋ ruhani düniesıne egıletın dän. Bız jas balanyŋ boiyna eŋ bırınşı Alla Taǧalaǧa, onyŋ jaratqan närselerıne, äke-şeşege, qorşaǧan ortaǧa, tuǧan jerge degen süiıspenşılıktı sıŋırmei tūryp, oǧan «Sen otanşyl bol!» dep aituymyz – qate. Ärbır sarbaz memleketke ant berıp, täuelsız elın qorǧaidy. Täuelsızdık – tättı, qasiettı, kielı ūǧym. Ony ärkım özınşe tüsınedı. Menıŋ oiymşa, būl ūǧym eldı, Otandy süiu degen ūly ūǧymdarmen astasyp jatyr. «Elımdı süiemın!», «Otanymnyŋ patriotymyn!» degen är adam ol sözın ısımen däleldei bıluge tiıs. Ūlttyq namysy men mınezı bar sarbaz eşqaşan jaudan qaşpaidy.
Tölen TILEUBAI
