Elordada Nur Otan partiiasy atynan mäslihat deputattyǧyna ümıtkerler «Astana» medisina universitetınıŋ studentterımen onlain jüzdestı. Nasihat jūmystary aiasynda ūiymdastyrylǧan jiynda nūrotandyqtar atalmyş saladaǧy tüitkıldı mäselelerdı talqylap, bolaşaq mamandardy qyzyqtyrǧan saualdarǧa jauap berdı.
Jiynǧa qatysqan M.Närıkbaev atyndaǧy Qazaq gumanitarlyq-zaŋ universitetınıŋ rektory T.Närıkbaev, jeke sot oryndauşysy T.Mamyqanov, käsıpker, «Otbasy bankınıŋ» keŋesşısı M.Ajikenova, №17 mektep-gimnaziiasynyŋ direktory R.Ömırbaeva partiianyŋ sailaualdy baǧdarlamasymen tanystyryp, joǧary oqu oryndaryndaǧy bılım sapasyn arttyru mäselesın ortaǧa saldy.
– Bılım beru salasy men üşın jıtı tanys. Bızdegı därıgerlerdıŋ jalaqysy tömen. Osy mäsele basty nazarǧa alynady. Medisina mamandarynyŋ märtebesın arttyru kerek. Barşaŋyzdy Nur Otan partiiasyna dauys beruge şaqyramyn, – dedı T.Närıkbaev.
Sonymen qatar kezdesude äleumettık sala mamandaryna qoldau körsetu mäselesı köterıldı. «Mektep basqaryp kele jatqanyma 25 jyldan asty. Al 20 jyldan berı Nur Otan partiiasynyŋ müşesımın. Partiia adam qūndylyqtaryn alǧa qoiady. Halyqqa qolaily jaǧdai jasaudy maqsat etedı. Äleumettık, gazdandyru mäselelerı baǧdarlamaǧa engen. Bılım beru, densaulyq saqtau salasynyŋ şeşıluı tiıs mäselelerı köp. Äleumettık sala mamandaryna qoldau körsetu kerek. Sonymen qatar eŋbek adam ömırıne qauıp töndırmeuı qajet» dedı Ramziia Ömırbaeva.
«Otbasy bankınıŋ» keŋesşısı M.Ajikenova jastar men oqytuşylardy baspana aludyŋ joldarymen tanystyryp, Nur Otan partiiasyna dauys beruge şaqyrdy. «10 jyldan berı tūrǧyn üi mäselesı boiynşa keŋesşımın. Baspana aludyŋ, memlekettık baǧdarlamalarǧa qatysu joldaryn jalpaq tılmen qarapaiym halyqqa jetkızgım keledı. Jastardyŋ baspanaly boluy üşın qanşama tūrǧyn üi salynuda. Jastarymyzdy nesiege bailap qoiu dūrys emes. Sondyqtan aldaǧy jyly «Nūr-Sūltan jastary» atty jastarǧa arnalǧan baǧdarlama ıske qosylady. Bılım men medisina salasyna da köp köŋıl bölemız. Bızge dauys berıŋızder» dedı ol.
Nūr-Sūltan qalasyndaǧy Nur Otan partiiasy sailau qorynyŋ qarajatynan tölendı.