Qala biudjetınen äleumettık salaǧa bölınetın qarjy jyl saiyn artyp kele jatyr. Mäselen, biylǧy biudjettıŋ 38,6 paiyzy qoǧamdaǧy maŋyzdy mäselelerdı şeşuge baǧyttaldy. Halyqtyŋ densaulyǧy, bılım aluy qai zamanda da asa özektı mäselelerdıŋ qataryna jatady. Būl saladaǧy jetıstıkter az emes, jetıldıretın tūstar da barşylyq.
ensaulyq saqtau jüiesındegı keiıngı jyldardaǧy oŋ özgerısterdı qala tūrǧyndary jaqsy sezındı dep oilaimyn. Qalalyq mäslihat deputattary būl jüienıŋ barlyq qūrylymdarymen tyǧyz qarym-qatynas ornatyp, keşendı jūmys jürgızdı. Ol öz kezegınde alǧaşqy medisinalyq-sanitarlyq kömek körsetudıŋ sapasyn arttyruǧa jäne onyŋ der kezınde körsetıluıne mümkındık berdı. Deputattyq korpus ūsynǧan «Smart Medisina» mehanizmderın jan-jaqty qoldanǧanda, jūmys būdan da nätijelı bolady.
Halyqtyŋ eŋ osal toptaryn qorǧau jūmysy tūraqty türde, ärı jaqsy jürgızılude. Eŋ bastysy, az qamtylǧan, patronattyq otbasylardan şyqqan balalarǧa, zeinetkerlerge jäne osylarǧa teŋelgen basqa därejedegı sanattarǧa äleumettık kömek körsetu toqtaǧan joq. Tüsken şaǧymdarǧa uaqytyly jauap berılıp, mäseleler şeşımın tabuda. Jūmyspen qamtu, eŋbek jäne äleumettık qorǧau basqarmasymen jūmys-
qyzmetımız de öte maŋyzdy. Öitkenı problema tuyndaǧan jaǧdaida tūrǧyndar öz deputattaryna jügınedı. Deputattarmen nätijelı jūmysy üşın atalmyş basqarmaǧa erekşe alǧys aitamyn.
Mäslihat deputattary ötkızgen bırneşe maŋyzdy reidten keiın mümkındıgı şekteulı adamdar üşın qolaily jaǧdailar jasau jūmystary jüzege asyryluda.
Bılım beru mäselelerı deputattardyŋ erekşe nazarynda tūr. Qala äkımınıŋ basşylyǧymen osy salada şeşuşı reformalar jasaldy. Memlekettık jekemenşık ärıptestık şeŋberınde jäne jeke investorlar esebınen salynǧan bılım beru nysandary qala mektepterındegı oryn jetıspeuşılıgı mäselesın şeşuge septıgın tigızetınıne senımdımız.
Mekteptegı alym-tölemge qatysty ötkır mäsele de öz şeşımın tapqan sekıldı.
Sonymen qatar, mektepke deiıngı memlekettık ūiymdarda oryndardy bölu mehanizmı aiqyndaldy. Bügıngı künı Bılım beru basqarmasy adam faktorynyŋ äserın boldyrmauǧa mümkındık beretın prosesterdı tolyq avtomattandyryldy. Juyrda Jastar saiasaty mäselelerı jönındegı basqarma basşysynyŋ esebın tyŋdadyq. Qaladaǧy jastarmen jūmys edäuır jaqsardy deuge bolady.
Endı kürmeulı mäselelerge auyssaq, qalamyzdaǧy mektepterdıŋ 40 paiyzy eskır-
gen. Jyl saiyn kürdelı jöndeuge qatysty 10 şaqty oqu ornynan ötınım tüsedı. Bıraq oǧan qaramastan aǧymdaǧy jyly biudjetten 1 ǧana mekteptı jöndeuge ötınım maqūldandy. Būl mäselenı erekşe nazarǧa alu kerek dep sanaimyz. Sebebı balalarymyzdyŋ qajettılıkterın, olardyŋ densaulyǧy jäne bılım aluyn bırınşı kezekke qoiuymyz qajet.
Deputattarǧa «SCHOOLBUS», iaǧni mektep avtobustaryn bölu mäselesı tüsınıksız. Olardy qalanyŋ şetkı aimaqtarynda ornalasqan mektepterge bölu ūsynysy bırneşe ret aityldy. Al avtobustardyŋ bırın balalar üiıne beru ädılettı bolar edı dep sanaimyz. Jyly aialdamalardy da qalanyŋ şetkı aimaqtaryna qoiu turaly öz basym bırneşe ret ötıngen edım.
Qalamyzda balabaqşalar jetıspeidı. Bılım basqarmasy jekemenşık mektepke deiıngı mekemelerdıŋ esebınen olardyŋ sanyn arttyru üşın qarajat bölu turaly ötınış tüsırdı. Būl ötınış maqūldandy. Qarjylandyru jyldyŋ basynan bastap josparly türde teŋ bölıktermen bölıngenı dūrys bolar edı dep sanaimyz. Sonda memlekettık subsidiiany aluǧa niettı jekemenşık balabaqşalar qyzmetınıŋ sapasyna Bılım basqarmasy tiianaqty baqylau jürgızer edı. Qazırgı jaǧdaida qarjy bölu, ony baqylau jäne igeru mäselelerı alaŋdauşylyq tuǧyzady.
Deputattardyŋ qatysuymen ötken qoǧamdyq tyŋdaular körsetkendei, otbasy institutyn, otbasylyq qūndylyqtardy bekıtu, bala tuatyn jastaǧy äielderdıŋ densaulyǧyn nyǧaitu, sonymen qatar genderlık teŋdık mäselesı qajettı deŋgeide jürgızılmeidı. Gender jäne otbasy-demografiialyq mäseleler öte kürdelı. Ony jüiege salu üşın jeke atqaruşy bölım qajet. Būl mäselenı şeşudıŋ bırden-bır amaly retınde Oŋtüstık Qazaqstan oblysynyŋ täjıribesın qarastyru kerek. Būl öŋırde genderlık saiasatty jürgızetın jeke basqarma jūmys ıstep otyr.
Jastar arasynda ūlttyq qūndylyqtardy, iaǧni ūlttyq
mädeniettı, salt-dästürdı nasihattau qajet. Osy jūmystyŋ barlyǧyn mektepke deiıngı mekemelerden bastaǧan jön. Ūlttyq sipattaǧy mektep formalaryn tıgu kerek. Qyz-kelınşekterımız de qamzoldy tek Nauryz merekesınde ǧana emes, kündelıktı ömırde kiıp jürse, qandai ǧanibet.
Ata-ananyŋ qamqorlyǧynsyz qalǧan balalardyŋ mäselesı qoǧamdyq-saiasi tūrǧydan ǧana emes, adamgerşılık, emosiialyq jäne ruhani tūrǧydan da özektı. Jaqynda qalalyq mäslihattyŋ Äleumettık-mädeni damu jönındegı tūraqty komissiia sondai balalar tūratyn mekemeler jūmysymen tanysty. Materialdyq tūrǧydan būl balalar qamtamasyz etılgen, alaida, otbasylyq jylu men adamgerşılık qoldau jetıspeitını anyq. Qaladaǧy balalar üiındegı jetkınşekter sany azaidy. Jetım balalardy asyrap alu artyp keledı, bolaşaqta sol balalardyŋ barlyǧy derlık otbasyn tapsa, jūmysymyzdyŋ naǧyz jemısı sol bolady.
Biyl elordada dübırlep ötken «EKSPO-2017» halyqaralyq mamandandyrylǧan körmesı tabysty aiaqtaldy. Būl aituly ıs-şara ärbır astanalyq pen qala qonaǧynyŋ jadynda mäŋgı saqtalary sözsız. Ūlt retınde jäne bäsekege
qabılettı memleket retınde äleumettık-mädeni örkendeu mejesı aiqyn. Oǧan Elbasynyŋ «Ruhani jaŋǧyru» baǧdarlamalyq maqalasy jetelep otyr. Süiıktı astanamyzdyŋ ösıp-örkendeuıne atsalysa bereiık.
Qaraqat ÄBDEN,
Astana qalalyq
mäslihatynyŋ deputaty
