Astanada biylǧy qystyŋ alǧaşqy qary qazan aiynyŋ basynda tüsken edı. Alaida ol jyldam erıp kettı. Ötken demalys küngı jauǧan aq ūlpa da ūzaq jatqan joq. Degenmen Nūr-Sūltan qalasynyŋ kommunaldyq qyzmetterı jeksenbı künı taŋerteŋmen alǧaş ret qar tazalauǧa şyqty.
Qala köşelerın qardan tazartuǧa jüzdegen adam men tehnika jūmyldyryldy. Baĭqoŋyr audany baspasöz qyzmetınıŋ habarlauynşa, būl künı aumaqta 107 arnaĭy tehnika jūmys ıstegen. «Bırınşı kezekte ortalyq köşelerdıŋ boiy, jaiau jürgınşıler joly, sonymen qatar aialdamalar men trotuarlar tazartyldy. Sondai-aq köktaĭǧaqtyŋ aldyn alu üşın qūm-tūz qospasy şaşyldy. Qar tazalauǧa arnaiy tehnikadan bölek 300-ge juyq adam qatysqan.
Mūndai jūmystar qalanyŋ basqa audandarynda da dereu qolǧa alyndy. Barlyq kommunaldyq qyzmetter küşeitılgen rejimge köşırıldı. Saryarqa audanynda qar tazalaumen 19 merdıgerlık ūiym ainalysty. Būl audanda 159 arnaiy tehnika jäne 371 jol jūmysşysy ıske jūmyldyrylǧan.
Qazgidromettıŋ boljamynşa, aldaǧy qys byltyrǧy jyldaǧydai jyly, bıraq jauyn-şaşyn mol boluy äbden mümkın. Ötken qysta respublika aumaǧyna atlantikalyq jyly jäne ylǧaldy aua aǧysy soqty. Osyǧan bailanysty elımızdıŋ basym bölıgınde mol jauyn-şaşyn jaudy. Būl prosester Qazaqstannyŋ soltüstık-şyǧysynda jäne ortalyǧynda qatty baiqaldy. Elordada aqtütek boran soǧyp, qar qalyŋ jaudy. Sinoptikter aldaǧy jeltoqsan-qaŋtar ailary qarly, jauyn-şaşyndy bolady dep boljap otyr.
