Alǧaşqy saparyn Türkıstannan bastady
Qazaqstan Prezidentı Qasym-Jomart Toqaevtyŋ alǧaşqy jūmys sapary Türkıstan qalasynan bastaldy.
Äuelı Memleket basşysy «Äzıret Sūltan» tarihi-mädeni qoryq-muzeiınıŋ arheologiialyq jäne arhitekturalyq eskertkışterı men Qoja Ahmet Iаsaui kesenesın aralap kördı. Qasym-Jomart Toqaev qala jūrtşylyǧymen kezdesıp, özınıŋ el Prezidentı retındegı alǧaşqy saparynyŋ Türkıstan qalasynan bastaluynda ülken män baryn jetkızdı.
– Türkıstan – memleketımızdıŋ altyn besıgı. Elbasynyŋ būl qalaǧa erekşe märtebe beru turaly şeşımı kezdeisoq emes. Ejelgı Türkıstannyŋ jaŋǧyruy men jaŋaruy damu jolymyzdyŋ dūrystyǧyn körsetedı. Aldaǧy jūmystarym turaly jäne qoǧamdy tolǧandyrǧan mäselelerdı şeşuge bailanysty oiymdy däl osy jerde bölıskım keledı, – dedı Qazaqstan Prezidentı.
Memleket basşysy Ükımetke biudjettı tek memleketımızdıŋ damuyna jäne qauıpsızdık maqsattaryna orai qaita beiımdeudı, sondai-aq imidjdık ıs-şaralarǧa arnalǧan şyǧyndardy azaitudy tapsyrdy.
– Menıŋ Prezident retındegı negızgı ūstanymym eŋ aldymen – sabaqtastyq. Sabaqtastyq joq jerde tūraqtylyq bolmaidy. Tek daǧdarys, tıptı janjal, qaqtyǧys qana bolady. Būl – bükıl älemnıŋ däleldengen tarihi täjıribesı. Ekınşı ūstanymym – ädılettılık. Ädılettılık joq qoǧam eşqaşan damymaidy. Tek qana qiynşylyq, tauqymet, qūldyrau bolady. Üşınşı ūstanymym – ılgerıleu. Qazaqstan bäsekelestıkke toly älemde tek qana alǧa jyljudy közdeidı, – dep mälımdedı Prezident Türkıstanda söilegen sözınde.