Alǧys aitty
![](https://astana-akshamy.kz/wp-content/uploads/2022/02/1644233593.jpg)
2018 jylǧy Olimpiada oiyndarynda qola jüldeger atanǧan qazaqstandyq Iýliia Galyşeva Beijıŋ oiyndarynda ümıt artqan sportşymyzdyŋ bırı edı.
Fristail-mogul jarysynda üzdıkterdıŋ qatarynan sanalǧan Galyşeva Beijıŋde bırınşı ainalymda sättı öner körsetıp, ekınşı finalǧa şyqqan edı. Ökınışke qarai, şeşuşı synda qatelık jıberıp aldy. Nätijesınde jarysty 11-şı orynmen aiaqtady.
Jarystan keiın Iýliia Galyşeva özıne ümıt artyp, janküier bolǧan otandastaryna alǧysyn bıldırdı.
«Menıŋ eŋ alǧaşqy Olimpiadam 2010 jyly bastaldy. Bügın közdı aşyp-jūmǧanşa 2022 jylǧa kelıp qalǧan ekenbız. 2010 jyly Kanadada – 11-oryn, 2014 jyly Reseide – 7-oryn. 2018 jyly Oŋtüstık Koreiada – 3-oryn, 2022 jyly Qytaida 11-orynǧa ie boldym. Osy joldy menımen bırge ötken jandarǧa köp raqmet! Men quana qaitalaǧym keletın ūmytylmas sätter öte köp, – dep jazdy sportşy özınıŋ äleumettık paraqşasynda.