Astana qalasyndaǧy Triatlon saiabaǧynda ötken otbasylyq duatlonǧa elordalyq 109 otbasy qatysty. Balalar jylyna arnalyp ötkızılgen būl jarysty Astana qalasy äkımdıgınıŋ qoldauymen qalalyq Dene şynyqtyru jäne sport basqarmasy ūiymdastyrdy. Būl saiystar şyn mänınde otbasylyq berıktıktı, jeŋıske degen jıgerdı, keremet quanyşty sätterdı körsetken ıs-şara boldy
Is-şaranyŋ aşylu saltanatyna Astana qalasy Dene şynyqtyru jäne sport basqarmasynyŋ basşysy Samat Jylqybaev jarys qatysuşylaryna sättılık tılep, salauatty ömır saltyn serık etken ärbır otbasyna alǧysyn bıldırdı.
– «OTBASY DUATLON 2022» dästürge ainaldy. Biyl altynşy ret ötkızıp otyrmyz. Jarysqa qatysuǧa niet bıldırgen otbasylar edäuır artty. Keler jyly 5-6 jastaǧy balalardy qospaqşymyz. Jarysqa qatysuǧa ötınımder aldyn ala elektrondy türde qabyldandy, mındettı türde şlem men därıgerdıŋ rūqsaty boluy kerek. Jalpy, biylǧy duatlonda balalar üşın üş sanat – 8-9, 10-11 jäne 12-13 jas belgılendı. Otbasylyq saiystyŋ alǧaşqy bölımınde jalpy ūzyndyǧy 4,5 şaqyrym qaşyqtyqqa aldymen 2,1 qaşyqtyqqa äkeler jügırdı, odan ärı estafetany velosipedke mıngen analar aldy. Jarysty balalar märege deiın 200 metr jügırumen aiaqtady» dedı jarysty qorytyndylaǧan Astana qalasy Dene şynyqtyru jäne sport basqarmasynyŋ basşysy S.Jylqybaev.
Barlyq qatysuşy otbasyǧa qatysqany üşın finişorlyq medaldarmen «GALANZ bottlers» kompaniiasy ūsynǧan «Sevens» suy tabystalyp, jeŋımpazdar I, II, III oryn diplomdarymen jäne baǧaly syilyqtarmen, iaǧni är jeŋımpaz komanda müşelerıne teledidar, mikrotolqyndy peş, şaŋsorǧyş, termopot, smartfon, smart saǧat, velosiped sekıldı baǧaly syilyqtar tabystaldy.
Sondai-aq qatysuşylar arasynda lotereia ūtysy oinatyldy. Lotereia jeŋımpazdary 10 velosiped jäne Qazaqstan boiynşa eŋ dämdı «DODO» meiramhanasyna arnaiy sertifikattar ūtyp aldy.
