– 1 nauryz – Alǧys aitu künı merekesı jyl saiyn jaŋa maǧynaǧa ie bolyp keledı. Jyl ötken saiyn jan-jaǧymyzdaǧy bolyp jatqan syn-qaterge qarap, düniedegı eŋ qasiettı ūǧym qoǧamdyq kelısım ekenıne köz jetkızgendeimız.
Jalpy «halyqtar dostyǧy, tatu körşı» degen ūǧymdar är zamanda da aitylyp jürdı. Keŋes zamanynda tuyp-ösken qatarlastarym jaqsy bıledı, bız de osy ūranmen östık. Keŋes Odaǧy ydyraǧannan keiıngı bolǧan türlı ūltaralyq qaqtyǧystar, postkeŋestıktegı jekelegen memleketter arasyndaǧy kürdelı qarym-qatynas, köşı-qon üderısı, «halyqtar dostyǧy men tatu körşı» ideiasy, şynymen de, synǧa tüsken bolatyn. Būl synaq är sipatta älı jürıp jatyr. Būl rette, dostyǧymyzǧa syzat tüsırmei, syrtqy küşke tötep bere alatyn närse adamnyŋ parasaty, keŋdıgı, kemeldıgı degen ūǧymǧa kün saiyn közımız jetıp, soǧan saiyp kelemız.
Halyq bırlıgı men yntymaǧy tek kommunisterdıŋ oilap tapqany emes, jalpy adamzattyŋ asyǧatyn asyl mūraty ekenıne közımız jettı. Barlyq uaqytta progressivtı, jasampaz adamdar üşın tatu-tättı ömır süru – qoǧamdy alǧa bastaityn negızgı faktor. Är ǧasyrda är halyqta yntymaq pen bırlıktıŋ maŋyzy aiqyn boldy. Dostyqtyŋ ūly ideiasyn oişyldar men danyşpandar kötergen eken, är däuırde är qūrlyqta Nauai, Nizami, Omar Haiiam, Abai, Puşkin, Gete, Rustaveli jäne basqalary asqaqtatyp, adamzattyŋ sanasyna säule qūiypty.
Osy ūǧym qazaq jerınde jaŋaşa türge enıp, är türlı taǧdyrmen qanatynyŋ astyna tyǧylǧan barlyq etnostyŋ ökılıne eşqaşan «ögei şeşe» bolǧan joq. Qazaq jerındegı dostyq pen bırlıktıŋ qandai küşpen kelıp jatqanyn bız de, qazaqtar da jaqsy bıledı, jaqsy ūǧynady. Bärımız hal-qadırımızşe yntymaqqa ūmtyldyq. Būl jalaŋ söz emes, eger Otanymyzdyŋ bır qajetıne jarap, qyzmetımızdı jasap, jaqsylyqtyŋ ortasynda jürsek, qiyndyqty bırge kötersek, dostyq köŋılımız ben syilas körşılıgımız osy emes pe?!
Bügınde respublikamyzdyŋ bırqatar ırı ortalyǧynda «Qazaq halqyna myŋ alǧys» atty monumentter, eskertkışter, barlyq etnos ökılderınıŋ qazaq halqyna degen alǧysyn jerdegı temırqazyqqa bailaǧandai, el yqylasymen aşylyp jatyr. Būl, menıŋşe, barlyǧymyz adasqanda, köŋılge jel bıtıp astamsyp, tasynǧanda, öz ornyŋdy ızdep tabatyn qazyǧymyz da!
Däuır auysady, jastar kelıp qarttardyŋ ornyn basady, sonda osy eskertkış-belgıler tar jerde tabysyp, «bütın qūrtty bölıp, jarty qūrtty jaryp jegen» künderdı eske salyp, el bırlıgıne syzat tüsırmei, saqtap tūrmaq.
Maǧan äsırese elordamyzdaǧy etegıne tyǧylǧan balalardy meiırımıne bölep tūrǧan qazaq anasynyŋ eskertkışı qatty ūnaidy. Halyq – anamyzdai ūly ūǧym. Halqymyzdyŋ amanynda bızdei balalary ösıp-jetılıp, jasai bermek!
Hasan ŞARİPOV, käsıpker, «Dustlik»
özbek qauymdastyǧy töraǧasynyŋ orynbasary
