Almatylyq qariia Äbıltai Şaihov Astanaǧa arnaiy EKSPO körmesı üşın jolǧa jaiau şyǧyp, üş künnıŋ ışınde jetken. Ūlttyq qauıpsızdık komitetınıŋ ardagerı saiahaty üşın bır tiyn şyǧyn jūmsamaǧan.
Saparyn oŋtüstık astanadan bastaǧan 74 jastaǧy jihangez kölıkterdı jolşybai toqtatyp, körmege jetudı közdegen. Äbıltai ata avtojarysyn «EKSPO-2017» halyqaralyq mamandandyrylǧan körmesıne jäne özı talai jyl tabandy eŋbek etken Ūlttyq qauıpsızdık komitetınıŋ 25 jyldyq mereitoiyna arnady. Ardager saiahatyn o bastan aldyn ala josparlaǧan.
– Jer şaryn aralap jürıp, köptegen eldı körıp, halqymen tanysyp ülgerdım. Qazaq jerınde tūryp jatqan halyq siiaqty bauyrmal eldı älı körgen emespın. Üş künge jalǧasqan saiahatta nebır aq peiıldı adamdar kezdestı. Qol ūşyn eşkım aiamady. Arasynda tıptı, «kölıgıme mınbedıŋız» dep renjıgender boldy, – dep sapardan keiıngı öz äserımen bölıstı Äbıltai ata.
Söz arasynda ardagerdıŋ körmege qatysty pıkırın de bıldık. «EKSPO-2017» körmesın ülken jetıstık dep bılemın. Qazır bıreu jaqtar, bıreu dattar. Bıraq osynyŋ barlyǧy bızdıŋ bolaşaǧymyz – jastar üşın. Negız qalandy, endı tek alǧa jylju kerek» dep sözın qorytyndylady jihangez.
Aqsaqal būdan būryn Türkıstannan Orynborǧa deiın, Jarkentten Taşkentke deiın saiahattap, Ūlytaudy tügel kezıp şyqqan eken. Endıgärı Äbıltai ata özınıŋ körgen-bılgenın qaǧaz betıne tüsırıp, kıtap jazudy oilastyryp qoidy. Aita keteiık, qariia byltyr da elordaǧa qos döŋgelekpen jolǧa şyǧyp, būl qadamyn Qazaqstannyŋ 25 jyldyǧyna arnaǧan bolatyn.
Güldana TALǦATQYZY
