Jaqynda İspaniiada grepplingten älem chempionaty märesıne jettı. Qazaqstan sportşylary 27 altyn medal jeŋıp aldy.
Jastar arasyndaǧy jarysta 26 altyn, 21 kümıs jäne 13 qola medal alǧan Qazaqstan komandasy bırınşı orynǧa ie boldy. Al eresekter bäsekesınde 1 altyn, 4 kümıs jäne 6 qola jüldege qol jettı.
Qazaqstan qūramasy sapynda öner körsetken Astana sportşylary da komandalyq jeŋıske ülken üles qosty. Elordalyq greppling şeberlerı 8 altyn, 1 kümıs jäne 2 qola medal enşıledı. Atap aitqanda, Bekzat Qaztaev, Dina Junusova, Şynar Uzbekova, Arystan Aitmoldin, Gafur Ujahov, Nūrasyl Tūrysbekov älem chempionatynyŋ jüldegerlerı qatarynan körındı. Sondai-aq bapker Toqtar Zarubekov te synǧa tüsıp, medal ielendı.
İspaniiada jeŋıske jetken elordalyq sportşylardy Astana qalasynyŋ äkımı Altai Kölgınov qabyldap, älemdık syndaǧy jeŋısterımen qūttyqtady. Elordada greppling sportyn damytuǧa üles qosyp jürgen azamattarǧa jäne sportşylarǧa jaŋa jetıstıkter men sättılık tıledı.
