Altyn Ordanyŋ 750 jyldyǧyna arnalǧan halyqaralyq konferensiia ötıp jatyr
Atyrau oblysynda ötıp jatqan «Ūlyq ūlys – Altyn Orda» atty halyqaralyq ǧylymi-praktikalyq konferensiianyŋ paneldık otyrystary bastaldy.
Plenarlyq otyrysty aşqan QR Prezident äkımşılıgı basşysynyŋ bırınşı orynbasary Däuren Abaev Memleket basşysy Qasym-Jomart Toqaevtyŋ qūttyqtauyn oqydy.
Plenarlyq otyrys barysynda Atyrau oblysynyŋ äkımı Mahambet Dosmūhamedov konferensiia qonaqtaryna Saraişyq jobasyn tanystyrady.
Sondai-aq, QR Bılım jäne ǧylym ministrı Ashat Aimaǧambetov pen Däuren Abaev ta qūttyqtau söz alady.
Konferensiianyŋ būl bölıgınde qazaqstandyq tarihşylarmen bırge AQŞ ǧalymy Iýlai Şämıloǧly «Altyn Orda qalalary jäne Saraişyq» atty baiandama oqidy.
Plenarlyq otyrys aiasynda konferensiianyŋ qararyn qabyldau josparlanǧan.
Eske salsaq, keşeden berı Atyrau oblysynda «Ūlyq ūlys – Altyn Orda» atty halyqaralyq ǧylymi-praktikalyq konferensiia ötıp jatyr.
Bügın şaranyŋ paneldık otyrystary bastaldy. Ol 5 taqyrypqa bölıngen.
Konferensiia aiasynda şara qonaqtary men ǧalymdarǧa Saraişyq auylyndaǧy etnoauyl tanystyrylady.
