Altyn sany artpai jatyr
İndoneziianyŋ Jakarta jäne Palembang qalalarynda ötıp jatqan Aziia oiyndarynda el qorjynyna tüsken jüldeler sany 16-ǧa jettı. Aziadada Qazaqstan komandasynyŋ enşısınde – äzırge 1 altyn, 5 kümıs jäne 12 qola medal.
21 tamyz, üşınşı kün
Kirill Kazansev – qola jüldeger. Otandasymyz el tarihynda alǧaş ret mauntinbaikten jülde saldy. Ol bırınşı ainalymda bärınen būryn kelıp, märege jaqyndaǧanda Qytai sportşylaryn alǧa ozdyryp aldy.
Ruslan Japarov – qola jüldeger. 80 kg salmaqta el namysyn qorǧaǧan taekvondoşy jartylai finalda İran sportşysyna ese jıberıp aldy. Söitıp Aziadanyŋ qola jüldesıne qol jetkızdı.
Jansel Deniz – kümıs jüldeger. Taekvondoşy qyz altynǧa talasqan saiysta koreialyq sportşyǧa basymdyq berıp qoidy.
Su dobynan Qazaqstan qūramasy – kümıs jüldeger. Qyzdar komandasy 5 kezdesudıŋ törteuınde jeŋıske jettı. Būl synda altyn Qytaidyŋ qanjyǧasynda kettı.
Elmira Syzdyqova – qola jüldeger. Äielder küresınen 76 kg salmaqta beldesken Elmira qola jülde üşın küreste Oŋtüstık Koreia ökılın 5:2 esebımen jeŋdı.
Meirambek Ainaǧūlov – qola jüldeger. Grek-rim küresınen 60 kg salmaqta Meirambek Soltüstık Koreia sportşysyn 13:5 esebımen jeŋıp, üşınşı oryndy ielendı.
Almat Kebıspaev – kümıs jüldeger. Grek-rim küresınen 67 kg salmaqta beldesken Almas finalda Oŋtüstık Koreianyŋ ökılı Riu Zan Sudan jeŋıldı.
22 tamyz, törtınşı kün
Semserlesuden Qazaqstan äielder komandasy – qola jüldeger. Semserlesudıŋ sablia türınen Tamara Pochekutova, Äigerım Sarybai, Aibike Habibullina jäne Tatiana Prihodko jartylai finaldan Qytai qūramasynan jeŋıldı. Sporttyŋ būl türınde jartylai finaldan jeŋılıs tapqandarǧa bırden qola būiyrady.
Aleksandr Kulikov – qola jüldeger. Eskek esuden qazaqstandyq sportşy «slalom» baǧdarlamasy boiynşa üşınşı orynnan körındı. Onyŋ aldyn japon jäne qytai sportşylary orap kettı.
Semserlesuden Qazaqstan erler komandasy – qola jüldeger. Osy sporttyŋ şpaga türınen bızdıŋ jıgıtter jartylai finalda Japoniiaǧa jol berıp, üzdık üştıkke endı. Būǧan deiın semserlesuden ekı jülde tüsken edı.
Nūrlan Myrzabaev – qola jüldeger. Qazaqstandyq taekvondoşy 80 kg salmaqta synǧa tüsıp, jartylai finalǧa deiın jettı. Soŋǧy saiysynda koreialyq sportşydan bır ūpai aiyrmaşylyǧymen jeŋıldı.
Dmitrii Balandin – qola jüldeger. Rio Olimpiadasynyŋ chempiony 100 metrge brass ädısımen jüzude Japoniia jäne Qytai sportşylarynan qalyp qoidy.
Daiyndaǧan
Orynbek ÖTEMŪRAT
Derekközı – olimpic.kz