«Atameken» Qazaqstan kartasy» etno-memorialdyq keşenınde «EKSPO -2017» körmesıne orai etnoauyl aşyldy.
Qazaqstannyŋ 14 oblysy men Astana jäne Almaty qalalaryn alaqanǧa qondyrǧandai etıp körsetetın keşende biyl bıraz jaŋalyq bar. Jaqynda ǧana jaŋa mausymdaǧy jūmysyn bastaǧan mädeni oşaq zaman talaptaryna sai alǧa basyp keledı. Mūnda halyqaralyq körme qonaqtaryn qyzyqtyratyn maketter jetkılıktı.
«Keşenımız elımızge turisterdı tartatyn basty tetıkterdıŋ bırıne bırte-bırte ainalyp keledı. Elbasymyz «100» naqty qadam baǧdarlamasynda atap körsetkendei de, Astana Euraziianyŋ ıskerlık, mädeni jäne ǧylymi ortalyǧy boluy tiıs. Onyŋ üstıne Memleket basşysy barşamyzdy ruhani jaŋǧyruǧa bastap otyr. «Atameken» Qazaqstan kartasy» keşenı Elbasy tapsyrmalaryna sai qyzmetın atqaruda» deidı keşen direktory Alma Altybaeva.
Onyŋ aituynşa, jaŋa mausymda keşende 30-ǧa tarta maket jaŋartyldy. Sonyŋ ışınde 14-ı jaŋadan qosyldy. Olardyŋ qataryna Qaraǧandy sport saraiy, Qazaq myryş zauyty, Äbılqaiyr kesenesı, Qarabura kesenesı, Ǧaryşker monumentı, törtten asa oblystardaǧy tarihi ölketanu muzeilerınıŋ maketterı, t.b. kırıp otyr. Al jalpy keşen aumaǧynda 400-den astam tarihi-mädeni baǧyttaǧy maket ornalasqan. Sonymen qatar jaŋa tehnologiialardan qalmau üşın 5 led-ekran qoiyldy.
Keşendı aralap, oblys ortalyqtaryndaǧy, Almaty jäne Astana qalalaryndaǧy körnektı ǧimarattarmen qosa öŋırlerdıŋ tabiǧatymen, jer bederımen de tanysuǧa bolady. Mäselen, qysy-jazy asqaq şyŋdarynan qar ketpeitın Alataudy, qoinauy tylsym syrǧa toly Qarataudy, ūlt ūiasy – Ūlytaudy, kielı Otpan taudy köre alasyzdar. Maily qiian jerındegı Beket ata, Şopan ata, Ūlytaudaǧy Alaşa han, Joşy han, Jūban ana kesenelerı, Kaspii teŋızınıŋ şaǧyn köşırmesı erekşe äser syilaidy. Astanaǧa arnalǧan alaŋda EKSPO qalaşyq ta oryn alypty. Ony «Nūr älem» pavilony arqyly tanydyq.
Keşennıŋ osyndai tanymdyq sipatymen qatar tärbielık mänı de zor. Osynda jazǧy demalystarda mektep oquşylary ekskursiia jürgızuşı bolyp jūmys ıstep, eŋbekaqy alady. Olardyŋ özderı arnaiy emtihan arqyly jūmysqa qabyldanady. Mysaly, är ekskursiia jürgızuşısı kemınde üş tıl bıluı kerek.
Amanǧali QALJANOV
