Astana qalasynyŋ äkımı Äset İsekeşev «Astana qalasynyŋ künderı» aiasynda ıssaparmen Qaraǧandy oblysynda bolyp, aimaqaralyq yntymaqtastyqty damytu talqylanǧan «Astana qalasy – Qaraǧandy oblysy öŋıraralyq yntymaqtastyq» biznes-forumyna qatysty.
– Bügıngı taŋda Qaraǧandy – bız barǧan segızınşı aimaq. Basqa öŋırlermen bırge elordamyz jemıstı yntymaqtastyqty jüzege asyruda. Sapar barysynda 52 memorandum jasaldy. 60-tan astam mädeni jäne sporttyq ıs-şara ötkızıldı. 45 myŋnan astam qonaq qatysty. Barlyq öŋırlerge yntymaqtastyq jäne qoldau körsetkenı üşın alǧysymdy bıldırgım keledı, – dedı Äset İsekeşev.
Qaraǧandy oblysynyŋ äkımı Erlan Qoşanov aqparattyq tehnologiialar salasyndaǧy yntymaqtastyqty damytu tiımdı ärı kerek dep sanaidy. Aimaq basşysy «Astana Hab» IT-startap halyqaralyq tehnopark şeŋberınde jalpy klasterge bırıgudı ūsyndy. Qaraǧandy oblysynyŋ Astanaǧa jaqyndyǧy öŋıraralyq kooperasiiany nyǧaituǧa mümkındık beretının aityp öttı.
Qaraǧandy – elordanyŋ azyq-tülık beldeuınıŋ qatysuşysy. Mūnda Astanany önımderımen jabdyqtaityn 2 myŋnan astam auyl şaruaşylyǧy qūrylymdary men qaita öŋdeu käsıporyndary bar. 2018 jyly «Ortalyq-Oŋtüstık» kölık dälızın qaita jaŋǧyrtu» aiasyndaǧy «Astana-Qaraǧandy» avtoban qūrylysynyŋ aiaqtaluy aimaqtardy odan ärı jaqyndata tüspek.
