Astana qalasy mäslihatynyŋ deputattary elordada jaŋa jūmys oryndaryn qūru, oǧan mamandardy daiyndau ısımen tanysu maqsatynda bırqatar kolledj ben qalanyŋ jūmyspen qamtu ortalyǧyn aralaǧan edı. Mäslihattyŋ kezektı sessiiasynda osy mäseleler talqylanatyn bolady.
Keşe qalalyq äkımdıkte būl sapardyŋ aralyq qorytyndysy turaly «Eŋbek» nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan baǧdarlamasyn ıske asyru barysy» taqyrybynda döŋgelek üstel mäjılısı öttı. Otyrysqa Astana äkımınıŋ orynbasary Malika Bektūrova qatysty.
Alǧaşqy bolyp baiandama jasaǧan Jūmyspen qamtu jäne äleumettık qorǧau basqarmasynyŋ basşysy Ermek Ospanovtyŋ mälımetınşe, bügınderı Astanada 35 myŋ adam özınözı jūmyspen qamtysa, 24,5 myŋnan astam adam jūmyssyz. Jūmyssyzdyq deŋgeiı 4,6 paiyzdy qūraidy. Būl – öŋırlermen salystyrǧanda eldegı eŋ tömen körsetkış. Baiandamaşy halyqty jūmyspen qamtudyŋ «Eŋbek» baǧdarlamasyna, onyŋ baǧyttaryna osy tarapta atqarylyp otyrǧan ısterge toqtaldy.
Qalalyq mäslihat deputaty Almaz Kim Jūmyspen qamtu ortalyǧynda halyqtyŋ ekı qolyna bır jūmys beru üşın barlyq jaǧdai jasalǧanyn aita kelıp, Germaniia elı dualdı oqytu boiynşa qoldanyp otyrǧan täjıribeden habar berdı. Öz tarapynan bırneşe ūsynystardy jetkızdı.
Otyrys barysynda «Eŋbek resurstaryn damytu ortalyǧy» AQ prezidentı Däulet Arǧandyqov, Bılım basqarmasy basşysynyŋ orynbasary Dulat Jekebaev mäselege öz közqarastaryn bıldırdı.
Amanǧali QALJANOV
Mäsele şeşımın tauyp, jūmyssyzdar sany azaiady degen senım bar.