Keşe Astana qalalyq äkımdıgınıŋ ökılderı Täuelsızdık saraiynda Auǧanstan soǧysynda qaza tapqan jauyngerlerdıŋ analarymen kezdesıp, olardy 8 nauryz – Halyqaralyq äielder künımen qūttyqtady. Qyrşyn ketken bozdaqtar üşın aq dastarqan jaiyldy. Al olardyŋ osy ömırge kelulerıne sebep bolǧan qarttardyŋ qūrmetıne äkımdık tarapynan tartu jasalyp, kışıgırım konsert körsetıldı.
Aq dastarqan basynda Astana qalasy Jūmyspen qamtu jäne äleumettık baǧdarlamalar basqarmasynyŋ basşysy Alma Altybaeva söz alyp: «Bız sızderdı mereke qarsaŋynda jinap, şeksız alǧysymyzdy bıldırgımız keldı. Denderıŋızge saulyq, janūialaryŋyzǧa amandyq tıleimız. Sızderdei ata-analarǧa küllı qazaq riza. Öitkenı, Auǧan soǧysyna qatysyp, qan maidannyŋ ortasyn körgen erjürek balalardy tärbielep şyǧardyŋyzdar. Olar el aldyndaǧy äskeri boryşyn oryndau barysynda qaza boldy. Keiın erlıkterı eskerusız qalmai, bärı de «Qyzyl jūldyz» ordenımen marapattaldy» dedı.
Aq jaulyqty analar da aq batasyn arnap, el basyndaǧy azamattardyŋ ısıne aq jol tıledı.
Nūrislam Qūspanǧali
