«Janūia» otbasy institutyn qoldau ortalyǧynda «Käsıpker ana» jobasy aiasynda astanalyq analardy käsıpkerlıkke üiretken mentorlardy marapattau räsımı öttı.
Atalmyş şaraǧa eŋ belsendı degen 20 mentor şaqyryldy. Jalpy jobaǧa 68 ana qatysqan. Olar manikiur, pedikiur, heir, meikap, şugaring, massajǧa üiretetın biuti industriia; aspaz, konditer, kulinariia, şokolate baǧytynda oqytatyn foodindustriia; grafikalyq dizain, kopiraiting, SMM menedjmentın meŋgertetın IT industriia baǧytyndaǧy mamandyqtardy igerdı.
«Bügınde äkımdık tarapynan äleumettık bastamalarǧa erekşe män berılude. Onyŋ ışınde öz ısın aşyp, käsıppen ainalysamyn degen jandarǧa qoldau körsetılude. «Janūia» ortalyǧynda jüzege asyrylyp jatqan ırı jobalardyŋ bırı «Käsıpker ana» jobasy aiasynda bıraz jūmystyŋ ıstelgenı körınıp tūr. Iаǧni joba özın aqtady. Būl turaly Memleket basşysy da ünemı öz sözınde aityp jüredı. Elımızde orta jäne şaǧyn käsıpkerlıktı damytuǧa arnalǧan baǧdarlama da bar. Odan bölek, granttar bölınude. Bügıngı marapattau şarasy – sonyŋ bır körınısı, – dedı qala äkımınıŋ orynbasary Baqtiiar Mäken.
«Käsıpker ana» jobasy jalǧasatyn bolady. Oǧan köpbalaly jäne jalǧyzbasty analar, mümkındıgı şekteulı balalar tärbielep otyrǧan analar men tūrmysy tömen äielder qatysa alady.
