Şotlandiianyŋ Glazgo qalasynda paralimpiadaşylar arasynda ötken älem chempionatynda astanalyq jüzuşı Änuar Ahmetov qola jüldeger atandy.
Jalpy, Ūlybritaniiaǧa attanǧan jetı sportşymyzdyŋ ekeuı jüldegerler qatarynan körındı. Bır qola medaldy astanalyq Änuar Ahmetov jeŋıp alsa, ekı qola medalǧa tarazdyq jüzuşı Zülfiia Ǧabidullina qol jetkızdı. Paralimpiada dodasyna keşırek aralasa bastaǧan qazaqstandyqtar üşın älem chempionatynan üş bırdei qola medal alu az jetıstık emes.
Astana äuejaiynda älem chempionatynyŋ jüldegerın kütıp aluşylar arasynda bız de boldyq. Änuardyŋ jüzı jarqyn, özı köŋıldı. Ötken jylǧy Para-Aziia oiyndarynan bır özı Qazaqstanǧa 5 altyn medal tartu etken, biylǧy jylǧy Oŋtüstık Koreiada, İspaniiada, Braziliiada bolǧan halyqaralyq jarystardyŋ bärınen altyn medalsyz kelmegen Änuardyŋ keudesındegı osy jolǧy qola medal bızge altyndai jarqyrap körınedı. Öitkenı, būl älem chempionatynyŋ qola medalı ǧoi!
Būl qola medaldyŋ qazaq üşın qandai maŋyzy bar ekenın Änuardy qarsy aluǧa äuejaiǧa arnaiy barǧan «Dene mümkındıkterı şekteulı tūlǧalarǧa arnalǧan sporttyq daiarlau ortalyǧynyŋ» direktory Qydyrbek Rysbek: «Bıle-bılsek, Änuardyŋ būl jeŋısı – bızdıŋ el üşın ülken quanyş. Paralimpiada tarihynda Älem chempionatynan qola jülde ūtqan qazaq ūlany būǧan deiın bolǧan joq. Änuar – Älem chempionatynyŋ jüldegerı atanǧan tūŋǧyş qazaq! Būl quanyş barşaŋyzǧa ortaq. Qūtty bolsyn!» dep anyqtai tüsındırıp berdı.
Sonymen, Paralimpiada tarihynyŋ betıne taǧy bır jaŋa esım jazyldy. Ol – qazaqtan şyqqan tūŋǧyş Älem chempionatynyŋ jüldegerı Änuar Ahmetov! Bızdıŋ tılegımız: «Älı Paralimpiada oiyndarynyŋ jüldesıne ılıkken qazaq ūlany joq. Bas qamşyny Änuar!».
Tölegen JÄKITAI
