Elordada tūrǧyndar üşın maŋyzdy mındetterdı qamtityn «20 naqty bastama» qolǧa alyndy. Sonyŋ 16-qadamy «Jol apaty kezındegı kısı ölımın 30 paiyzǧa, apattyq jaǧdaidy 40 paiyzǧa tömendetudı közdeidı. Ol boiynşa jol qozǧalysy syzbasyn özgertu, aiyppūl jüiesın oŋtailandyru, jeke avtokölıktı paidalanu qarqynyn jäne apatty jaǧdai tudyratyn oryndardyŋ jyldamdyq qozǧalysyn tömendetu qarastyrylǧan.
Esterıŋızde bolsa, Astana aglomerasiiasynyŋ ornyqty damuy jönındegı keŋes otyrysynda 15 joba tanystyrylǧan bolatyn. Sonyŋ bırı – «Qauıpsız kölık» jobasy. «Jalpy jol» qauıpsız jol qozǧalysy qauymdastyǧy ūsynǧan joba bilıktıŋ nazaryn audara otyryp, joldaǧy qauıpsızdıktı arttyrudy közdeidı.
Aita keteiık, Arsen Şakuov basqaratyn ūiym 2013 jyly qūrylǧan. Sodan berı elımızdıŋ ärbır öŋırınde ötetın jol qozǧalysyna qatysty barlyq mäselelerdıŋ bel ortasynan tabylyp jür.
Safety Car Astana
Būl arnauly avtokölık jol qozǧalysy qauıpsızdıgın monitoring jürgızu arqyly qadaǧalaidy, joldaǧy qūqyqbūzuşylyqty anyqtap, qala ışındegı qauıptı köşelerge taldau jürgızedı. Baǧdarlama aiasynda kölık jürgızuşılerınıŋ mädenietın köteruge nazar audarylyp otyr. Arsen Şakuovtyŋ aituynşa, qauıpsız jäne tūraqty kölık infraqūrylymyn damytuda ärı ekologiialyq ahualdy jaqsartuda ärbır tūrǧynnyŋ qoǧamdyq kölıkterdı paidalanǧany tiımdı.
Arsen Şakuov, «Qauıpsız kölık» jobasynyŋ jetekşısı: – Bız ūsynǧan joba Astana qalasy boiynşa jol qozǧalysy mäselelerın zertteuge mümkındık beredı. Onda barlyq baǧyt boiynşa jol-kölık erejesın baqylau qolǧa alynady. Bızdıŋ maqsat – jol-kölık qozǧalysy erejesınıŋ būzyluyn anyqtau jäne osy mäselenı tübegeilı şeşudıŋ jolyn qarastyru boiynşa qala äkımdıgıne ūsynystar beru.
Qaraŋǧyda körın!
Soŋǧy uaqytta balalardyŋ qatysuymen bolatyn jol-kölık apattary jiı tırkeledı. Resmi derekter jol-kölık oqiǧasy kezınde köbınde zardap şegetın jas balalar ekenın aitady. Būl joba aiasynda osy mäselelerdı şeşudıŋ joldary qarastyrylǧan. Mäselen,
«Mektepke qarai qauıpsız jol» jäne «Üige qarai qauıpsız jol» dep atalatyn jobalarda balalardyŋ üiden mektepke, mektepten üige qaituy kezınde olardyŋ qauıpsızdıgıne tıkelei köŋıl bölınbek. Ol boiynşa ärbır mekteptıŋ Qauıpsızdık pasporty jasaqtalady.
Sondai-aq, jaiau jürgınşıler jolyndaǧy qauıpsızdıktı şeşudıŋ bır joly – balalardy jaryǧy bar bılezıkpen qamtamasyz etu. Barlyq qarjylyq instituttardy, saqtandyruşy kompaniialar men basqa da ūiymdardy osy äleumettık jobaǧa tarta otyryp, jaryǧy bar bılezıkterdı Astana qalasynyŋ oquşylaryna tegın taratudy ūiymdastyru qolǧa alynbaq.
Educations Pack
Būl – mektepke deiıngı jäne mektep jasyndaǧy balalarǧa arnalǧan joba.
«Jol qozǧalysy erejelerın üiretu men oqytudyŋ jaŋa ädıstemesın qamtidy. Kölık qauıpsızdıgın tūraqty damytu – salauatty ömır saltynyŋ kepılı. Osy oraida «Kiss and Go» jobasy da qolǧa alynbaq. Oquşylardy avtobusqa otyrǧyzu jäne tüsıru kezındegı qauıpsızdıkke nazar audaramyz» deidı Arsen Şakuov.
Sonymen qatar, elordalyq poliseilermen tıkelei qarymqatynas jolǧa qoiylyp, olardyŋ qatysuymen sauattylyqty arttyratyn seminarlar ūiymdastyru, apat kezınde alǧaşqy kömek körsetu joldaryn meŋgertu jüzege asatyn bolady.
Saiyp kelgende, mūnyŋ bärı Astana strategiiasymen ündesedı. Qala tūrǧyndarynyŋ qauıpsızdıgı – bilıktıŋ nazarynda. Endeşe, osyndai äleumettık jobalardyŋ jüzege asuy nätijesın beredı deidı sala mamandary.
Gülmira Aimaǧanbet
