APTADAǦY AUYS-TÜIIS
Aptanyŋ alǧaşqy jūmys künı Ükımet üiındegı bırqatar auys-tüiıspen bastaldy.
Eŋ ülken özgerıs Ükımettı alty jylǧa juyq basqarǧan Kärım Mäsımov Memleket basşysynyŋ Jarlyǧymen Prezident äkımşılıgınıŋ jetekşısı qyzmetıne taǧaiyndaldy. Ötken aptada Prezident äkımşılıgınıŋ būrynǧy jetekşısı Aslan Musin Respublikalyq biudjettıŋ atqaryluyn baqylau jönındegı Esep komitetınıŋ töraǧasy bolyp taǧaiyndalǧan bolatyn.
Al, Ministrler kabinetınıŋ kıltı būǧan degen Qazaqstan Respublikasy Premer-Ministrınıŋ bırınşı orynbasary bolǧan Serık Ahmetovke tapsyryldy.
Arasynda atynan auyp tüskenderı bolmasa da, Ministrler kabinetınıŋ bırdı-ekılı müşesı oryntaǧymen qoştasuyna tura keldı.
Jaŋadan jasaqtalǧan qūramnyŋ qataryna bır kezderı Qarjy jäne Densaulyq saqtau ministrlıkterın basqarǧan Erbolat Dosaev qaita oraldy. Endı ol Ekonomikalyq damu jäne sauda ministrlıgın basqaratyn boldy.
Eŋbek jäne halyqty äleumettık qorǧau ministrı qyzmetınen bosaǧan Gülşara Äbdıhalyqova Qazaqstan Respublikasy Prezidentınıŋ keŋesşısı – Qazaqstan Respublikasy Prezidentı janyndaǧy Äielder ısterı jäne otbasylyq – demografiialyq saiasat jönındegı ūlttyq komissiianyŋ töraiymy oryntaǧyna jaiǧasty. Būǧan deiın Syrtqy Ister ministrı bolǧan Erjan Qazyhanov Qazaqstan Respublikasy Prezidentınıŋ kömekşısı qyzmetıne taǧaiyndaldy. Eŋbek jäne halyqty äleumettık qorǧau ministrı bolyp būǧan deiın Şyǧys Qazaqstan oblysy äkımınıŋ orynbasary qyzmetın atqarǧan Serık Äbdenov taǧaiyndaldy. Al, Syrtqy ıster ministrlıgınıŋ tızgının endı elımızdıŋ Amerika Qūrama Ştattaryndaǧy Tötenşe jäne ökılettı elşısı bolyp kelgen Erlan Ydyrysov ūstaidy. Onyŋ 1999 – 2002 jyldary atalǧan vedomstvoǧa jetekşılık etkenın aita ketken jön.
Būǧan deiın Mäjılıs spikerı men «Nūr Otan» HDP töraǧasynyŋ bırınşı orynbasarlyǧy qyzmetın qosa atqaryp kelgen Nūrlan Nyǧmatulin endı bar ıskerlıgı men täjıribesın Parlamenttıŋ tömengı palatasy jūmysyna basşylyq jasauǧa jūmsaityn bolady. «Nūr Otan» partiiasy töraǧasynyŋ bırınşı orynbasary qyzmetı būǧan deiın Sauda jäne ekonomikalyq damu ministrı bolǧan Baqytjan Saǧyntaevqa būiyrdy.
Sondai-aq, Qyrymbek Köşerbaev Qazaqstan Respublikasy Prezidentınıŋ Keŋesşısı qyzmetınen bosatylyp, Premer-Ministrdıŋ orynbasary bolyp taǧaiyndaldy.