EXPO alaŋynda özderınıŋ ūltty künın atap ötıp jatqan elderdıŋ körme körermenderıne ūsynary bır-bırınen asyp tüsude. Bız būǧan AQŞ-tyŋ ūlttyq künınde taǧy bır märte köz jetkızdık. Sahnaǧa jarq etıp şyqqan aǧylşyn studentı qazaqtyŋ halyq änı «Dudaraidy» şyrqai jönelgende, onyŋ önerıne täntı bolmaǧan adam qalmady. Osylaişa mūhit asyp kelgen amerikalyq meimandar qazaq mädenietı men ädebietıne erekşe köŋıl bölu arqyly özderıne erıksız nazar audartty.
Ūlttyq kündı atap ötu merekesı olardyŋ täuelsızdık künımen tūspa-tūs kelıptı. Osydan 241 jyl būryn täuelsızdık deklarasiiasyn qabyldaǧan būl memleket adamnyŋ ruhy sarqylmas energiianyŋ közımen bailanysty ekenın tüsındırıp berdı. AQŞ-tyŋ Qazaqstandaǧy elşısı jäne pavilonnyŋ komissary Djordj Kroll: «Bızdıŋ pavilonnyŋ taqyryby – adam energiiasy. Iаǧni adam – tausylmaityn energiia. Bügın – AQŞ-tyŋ täuelsızdık künı, EXPO-daǧy ūlttyq künımız, sondai-aq, biyl Amerika men Qazaqstannyŋ diplomatiialyq qatynastaryna 25 jyl. Bız ünemı bırge jūmys ıstep keldık, bırge jūmys ıstei beremız. 2016 jyly älem boiynşa balamaly energiia közderıne tartylǧan investisiia kölemı 241 mlrd dollardan asqan. Qazır AQŞ sekıldı alpauyt el «jasyl» ekonomikadan jyl saiyn 600 mlrd dollar paida köredı» deidı.
Rasynda da, pavilonǧa keluşıler bırınşıden, energiiaǧa toly keŋıstıkke tap bolady. Ärbır qonaqqa «Şeksız energiia közı degenımız ne?» degen saual qoiylyp, bolaşaq energiiasyn aiqyndaityn film körsetıldı. Sodan soŋ körmenıŋ kelesı bölıgınde «Ömır energiiasy» dep atalatyn taŋǧajaiyp şoudy tamaşaladyq. Şou bır mezgılde üş ülken ekrannan körsetılıp, keiın köp qabatty eden arqyly qūlaşyn keŋge jaidy. Būǧan qosa, merekelık baǧdarlamada amerikandyq jäne qazaqstandyq muzykanttardyŋ konsertterı öttı. Ekı eldıŋ dästürlı jäne qazırgı zamanǧy muzykasyn qaitalanbas üilesımmen ūsynǧan baǧdarlamada tanymal amerikalyq änşı Maiia Azusena da öner körsettı.
