Mäjılıs deputattyǧyna ümıtkerler Eldar Jūmaǧaziev, Ardaq Nazarov, Maqsat Tolyqbai, Läzzat Chinkisbaeva, sondai-aq partiia ökılderı Nūrlybek Mūqanov, Änuar Kerembaev Maŋǧystau oblysy Aqtau qalasynyŋ jūrtşylyǧymen kezdestı.
Öz sözınde Eldar Jūmaǧaziev partiianyŋ maqsaty jekelegen qalalardy damytu ǧana emes, elımızdıŋ barlyq öŋırlerın örkendetu ekenın atap öttı. «Maŋǧystau oblysy – bıregei aimaq. Öŋırdıŋ aty atalǧanda, bırden būl maŋda mūnai öndırıletını jäne köp mūnai kompaniiasy bar ekenı eske alynady. Solai bola tūra, tūrǧyndar köptegen problemalarǧa şaǧymdanady. Negızgısı – adami kapital, tabys. Bız būl mäselelerdı qalai şeşu kerektıgın bılemız jäne öz baǧdarlamamyzda naqty şeşımderdı ūsynamyz» dedı ol.
Eldar Jūmaǧaziev öŋırlerdı damytudyŋ qoldanystaǧy standarttary eskırgenın, sondyqtan partiia öŋırlık saiasatty tübegeilı özgertkısı keletının jäne būl rette öŋırlerdıŋ tūrǧyndary partiialarǧa qoldau körsetuı tiıs ekenın atap öttı. «Bızde eŋbekke qabılettılıktıŋ ülken koeffisientı bar. Jūmys oryndaryn qūraiyq! Öŋırlık baǧdarlamalardy qūraiyq! Bız öŋırlerdı ösıruımız kerek. Küştıŋ bärı solarda!» dedı ol. Sondai-aq spiker sailau nätijelerıne qaramastan, «ADAL» jobalyq keŋselerı arqyly öŋırler tūrǧyndarynyŋ mäselelerın şeşuge qol jetkızetının aitty. «Sailaudan keiın de ömır bıtpeidı jäne problemalar eşqaida ketpeidı. Sailau kezeŋı bızge mümkındıgınşe köp adamdy tyŋdau üşın jäne olardyŋ mäselelerın şeşudıŋ tetıkterın jasau üşın berıledı. Bız qazır osymen belsendı türde ainalysudamyz» dedı «ADAL» ökılı.
Partiia ökılderıne joldaǧan sūraqtarynda Aqtau tūrǧyndary biudjet qarajatyn tiımsız jūmsau saldarynan tuyndaityn mäselelerdı jiı köterdı. Eldar Jūmaǧaziev partiia saitynan öŋır biudjetınıŋ qalai bölınetının bılıp, narazylyq bıldırgen jaǧdaida, būl turaly partiia ökılderıne aityp beruge bolatynyn eske saldy. «Bız biudjettı oryndy paidalanuymyz kerek. Halyqtyŋ qalaǧany – basqa, al biudjettıŋ jūmsaluy – basqa. Prezident halyqty estitın memleket turaly aitqan bolatyn. Osylaişa bız öz saitymyzdy qūrdyq» dep atap öttı deputattyqqa ümıtker.