«EKSPO-2017» halyqaralyq mamandandyrylǧan körmesıne arnaiy Aqtöbe oblysynan 162 oquşy keldı. Olardy temırjol vokzalynan Astana qalasy äkımınıŋ orynbasary Malika Bektūrova qarsy aldy.
Äkımdık öŋırlerdegı daryndy jetkınşekter men kömekke mūqtaj otbasynda tärbielenetın oquşylardy EKSPO qalaşyǧynda qydyrtudy qolǧa alyp jatyr.Astana qalasy äkımınıŋ orynbasary Malika Bektūrovanyŋ aituynşa, öŋırden kelgen balalarǧa ekı kündık baǧdarlama äzırlendı. Bırınşı künde balalar körmenı qyzyqtasa, kelesı künde Astananyŋ eŋ aişyqty nysandaryn aralap, körıktı jerlerımen tanysady.
– Jospar boiynşa elordaǧa öŋırden 1600 adam kelıp-ketedı dep kütılude. Naqtyraq aitsaq, 40 topqa toptasqan 40 bala körmege kelıp otyrady. Qonaqtardy qarsy alu Bılım basqarmasynyŋ mamandaryna jäne qalanyŋ bılım beru mekemelerınıŋ basşylaryna jüktelgen. Balalar jürıp ötetın jol aldyn ala belgılengen. Sondai-aq, är aimaqtan oquşylardy kütıp alyp, şyǧaryp salatyn jauapty mekemeler anyqtaldy. Mekteptegı mūǧalımder men medisinalyq qyzmetkerler de oquşylarǧa qarailasyp, ärkım öz jūmysyn atqarady, – dedı ol.
Astanaǧa qydyryp kelgen qonaqtardy «Astana LRT» kompaniiasynyŋ avtobustary tasymaldaidy. Al jatyn oryn retınde qalanyŋ bılım beru oryndarynyŋ jataqhanalary taŋdaldy. Balaqailardyŋ qauıpsızdıgın jergılıktı polisiia qyzmetkerlerı qamtamasyz etedı.
Güldana TALǦATQYZY
