Nūrsūltan Nazarbaev atyndaǧy halyqaralyq Astana Äuejaiyndaǧy avtotūraqtyŋ aqysy qoǧamda dau tudyryp tūr. Mäselen, äuejaidyŋ avtotūraǧyna bır täulıkke kölıgın qaldyrǧan azamat 57 myŋ teŋge kölemınde qarjy tölegen. Būl mäselenı Instagram äleumettık jelısıne belgılı änşı Qairat Baekenov jariialap, jūrtşylyqtyŋ jaǧasyn ūstatty. Sondai-aq, QR Parlament Mäjılısınıŋ deputaty Serık Säpiev Instagram jelısınde Astana äkımı Äset İsekeşevke äuejaidaǧy avtotūraq qūnynyŋ şekten tys qymbat ekenın aityp, şaǧymdanǧan bolatyn.
Jūrtşylyqtyŋ osy şaǧymdaryna bailanysty Astana qalasy äkımdıgınıŋ baspasöz ortalyǧynda tiıstı sala basşylary jauap berdı. «Astana LRT» JŞS kölık basqarmasy töraǧasynyŋ orynbasary Rustam Halilevtyŋ aituynşa, jürgızuşılerge arnalǧan äuejaida bırneşe taŋdau bar.
– Äuejaiǧa avtokölıkpen kelgen azamat kölıgın qysqa merzımge tūraqqa qaldyryp ketuıne bolady. Mäselen, sız äuejaiǧa kelıp jolauşyny tüsırıp, bırden qaityp kettıŋız. Eger jürgızuşı avtotūraqta 30 minuttan az uaqyt tūrsa, onda ol eşqandai aqşa tölemeidı. Alaida bırınşı saǧat – 300 teŋge, al kelesı saǧat üşın 1 500 teŋge töleuge tura keledı. Sondai-aq, äuejaida ūzaq merzımde berıletın jabyq avtotūraqta, tıptı terminaldan säl ötseŋız tegın avtotūraq ta bar. Mysaly, aşyq avtotūraqqa kölıgıŋızdı qaldyrsaŋyz, täulıgıne 2000 teŋge töleisız. Jalpy, adamdar qai avtotūraqqa kölıgın qoiǧysy kelse, sonda qoiyp kete alady. Iаǧni, är adam öz qalauy boiynşa avtotūraq taŋdai alady. Al aqyly avtotūraqqa keler bolsaq, ärbır adam bilet alatyn kezde tariftık jospardy köruı kerek. Sız avtotūraqqa kırıp kele jatqanda körsetılgen barlyq erejemen kelısesız. Iаǧni, būl tariftı taŋdauǧa ärkımnıŋ qūqyǧy bar, – deidı ol.
Rustam Halilevtyŋ aituynşa, mūndai tarif azamattarǧa qolaisyzdyq tudyrmas üşın jasalyp otyr. Mäselen, būǧan deiın temır jol beketıne kölıgın bırneşe künge tastap ketu jaǧdaiy anyqtalǧan bolatyn. Sonyŋ saldarynan temır jol beketınde kölık keptelısı tuyndap, qala tūrǧyndary men qonaqtaryna kedergı keltırgen edı. Sondyqtan da äkımdık osyndai jaǧdai qaitalanbas üşın äuejaida aqyly avtotūraq jüiesı engızıp otyr. Ūzyn sözdıŋ qysqasy, sala basşylary aqyly avtotūraqtyŋ keptelıs mäselesın şeşetının aityp, aqtaluda. Sondai-aq, Rustam Halilev qyruar qarjy tölegen azamattarǧa jeŋıldık jasalǧanyn aitty. Iаǧni, qos azamat 2 myŋ teŋgeden tölegen. Alaida būdan keiın azamattarǧa eşqandai jeŋıldık jasalmaidy.
Serık JOLDASBAI
