Aqyly avtotūraqtar sany artady
Biyl jyl basynan berı elordadaǧy «Nūrjol» bulvarynyŋ boiyndaǧy avtotūraq alaŋdary aqylandyrylǧan bolǧan. Endı jaqyn uaqytta olardyŋ qatary taǧy da artatyny belgılı boldy.
Osyǧan deiın «Astananyŋ kölık tūraǧy keŋıstıgı» JŞS direktory Ardaq Tūrǧanqūlovtan alǧan sūhbattarymyzdyŋ bırınde keler jyldyŋ soŋyna deiın 10 myŋnan astam aqyly kölık orny paida bolatynyn mälım etken bolatyn.
Qalalyq äkımdıkte «Astana qalasynyŋ aqyly kölık tūraǧy keŋıstıgın qūru, paidalanu jäne basqaru» jobasy boiynşa «Astana qalasynyŋ Kölık jäne jol-kölık infraqūrylymyn damytu» MM men «Astananyŋ kölık tūraǧy keŋıstıgı» JŞS arasyndaǧy memlekettık-jekemenşık serıktestık turaly kelısımge qol qoiyldy.
Aqyly tūraqtardy ıske qosudyŋ kelesı kezeŋı sol jaǧalaudaǧy D.Qonaev, Dostyq, al oŋ jaǧalauda Kenesary, Beibıtşılık, S.Seifullin, Jeltoqsan, Jeŋıs köşelerınde jüzege asyrylatyn bolady. Ardaq Tūrǧanqūlovtyŋ aituynşa, tūraq aimaqtaryn ūiymdastyryp, jol belgılerı men aqparattyq taqtalardy ornalastyruǧa belgılı uaqyt ketedı. Ol sözınde atalǧan köşelerdegı qai oryndardyŋ aqylandyrylǧany bır ai būryn eskertıletının mälım ettı.