Astana ırgesındegı Qabanbai auylynda alaman bäige öttı. Ūlttyq sport türlerı qauymdastyǧy ūiymdastyrǧan dübırlı jarys Qazaq handyǧynyŋ 550 jyldyǧyna arnaldy.
Elımızdıŋ barlyq aimaqtarynan 100-den astam säigülık qatysqan alaman bäigenıŋ bas jüldesın Jambyl oblysynan kelgen jas şabandoz Aqjol Jūmatai jeŋıp aldy. Onyŋ astyndaǧy jüirıgı «Şaman» basqalardy şaŋyna ılestırmei märe syzyǧyn bırınşı bolyp kestı. Bas jüldege 10 million teŋge berıldı. Ekınşı kelgen «Beibarys» atty säigülıktıŋ iesı pavlodarlyq Meiırhan Dälelovtyŋ qanjyǧasyna 5 million teŋge bailandy. Almaty oblysynyŋ «Jannūr» atty tūlparyn tızgındegen Oljas Qoişybek märege üşınşı bolyp jetıp, 3 million teŋge oljalady. Alamannyŋ märtebesın ieskergen ūiymdastyruşylar taǧy da alty şabandozǧa aqşalai syilyq berdı.
Qazaq handyǧynyŋ torqaly toiyn ūlyqtap, bäige jolynda jankeştılık tanytyp, ūlttyq önerımızdı örge kötergen örenderdı QR Mädeniet jäne sport ministrlıgı Sport komitetınıŋ töraǧasy Elsiiar Qanaǧatov pen Ūlttyq sport türlerı qauymdastyǧynyŋ prezidentı Bekbolat Tıleuhan qūttyqtap, syi-siiapattar tabystady.
TEŊ TÜSTIK !
Futboldan 2016 jyly ötetın Europa chempionatynyŋ toptyq ırıkteu turnirınde öner körsetıp jatqan Qazaqstan qūramasy kezektı ekı oiynyn syrt alaŋda ötkızdı.
Aldymen Plzen qalasynda Chehiia futbolşylarymen kezdestı. Būl oiynda Europa futbolynyŋ jūldyzdary Cheh pen Rosiski bastaǧan alaŋ ielerı 2:1 esebımen jeŋıske jettı. Bır aitarlyǧy, būl matchta bızdıŋ qūrama bırınşı taimda-aq esep aşqan edı, alaida, oiyn aiaqtaluǧa jaqyndap qalǧanda Chehiia qūramasynyŋ şabuylşysy Şkoda 76-minutta eseptı teŋestırıp kettı. Ökınışke qarai, osy futbolşy oiyn soŋyna qarai taǧy bır dop soǧyp, öz komandasyna jeŋıs äkeldı.
Reikiavikte ötken ekınşı oiynda Qazaqstan qūramasy toptyŋ köşbasşysy İslandiia qūramasymen synǧa tüstı. Būǧan deiın Gollandiia, Chehiia jäne Türkiia qūramalaryn tıze büktırıp, sensasiia jasap kele jatqan islandyqtar bızdıŋ qūramaǧa qarsy oiynda bırden şabuylmen bastady. Alaida, osyndai jaǧdaidyŋ bolatyny eskergen Qazaqstan futbolşylary tasqamal qorǧanys qoidy. Ärine, bızdıŋ jıgıtter de qarap qalmady. Älsın-älsın alaŋ ielerınıŋ qaqpasyna da qauıp töndıre bıldı. Osylaişa alma-kezek şabuylmen ötken būl oiynda esep aşylmady. Bızdıŋ qūrama üşın būl öte jaqsy nätije desek bolady.
Hokkei
Bärekeldı «Barys» !
Kontinentaldyq hokkei ligasy chempionatynyŋ kezektı turynda «Barys» jeŋıske jettı.
«Qazaqstan» sport saraiynda ötken matchta astanalyqtar «Lokomotiv» (Iаroslavl) komandasyn 4:3 esebımen jeŋdı. Būl oiynnyŋ bırınşı kezeŋınde tört şaiba (!) soǧyldy. Aldymen qonaqtar qatarynan ekı gol soqqan edı. Alaida, astanalyq Roman Savchenko däl osyndai şielenıstı tūsta şeberlıgın körsettı. Ol qatarynan ekı gol soǧyp, eseptı teŋestıre bıldı. Sodan keiın Roman Savchenko men Sen-Per Marten mergendıgımen tanylyp, «Barys» alǧa şyqty. Üşınşı kezeŋde qonaqtar bır-aq ret qarymta şaiba soǧuǧa jarady.
Bügın «Barys» öz alaŋyndaǧy kezektı oiynyn ötkızedı. Qarsylasy – «Lada» (Toliatti). Match «Qazaqstan» sport saraiynda saǧat 19.30-da bastalady.
Boks
AZİIаNYŊ ALDYNDAMYZ
Tailand astanasy Bangkokta bokstan Aziia chempionaty märesıne jettı. Būl bırınşılıkte Qazaqstan qūramasy komandalyq bırınşı orynǧa ie boldy.
Qazaqstan qūramasynan jetı boksşy jüldegerler qatarynan körındı. Aziia chempiony ataǧyna Oljas Sättıbaev (52 kelı), Daniiar Eleusınov (69 kelı), Ädılbek Niiazymbetov (81 kelı), Vasilii Levit (91 kelı) jäne İvan Dychko (+91 kelı) ie boldy. Zakir Safiullin (60 kelı) kümıs jüldeger atansa, Qairat Eraliev (56 kelı) qolaǧa qol sozdy.
Finalǧa jetı boksşysy şyqqan Özbekstan qūramasy komandalyq esepte ekınşı orynnnan körındı. Olardyŋ enşısıne ekı altyn, bes kümıs, bır qola medal tüstı. Al ekı altyn medal ielengen şarşy alaŋ ielerı üşınşı oryndy qanaǧat tūtty.
Endı Qazaqstan qūramasy boksşylary 5 qazanda Katar astanasy Doha qalasynda bastalatyn älem chempionatyna qatysatyn bolady. Būl jarysta 2016 jyly Rio-de-Janeiroda ötetın Olimpiada oiyndaryna lisenziialar da ülestırıletın bolady.
Daiyndaǧan Ǧalym QOJABEKOV
