Biylǧy jyly elordada tūratyn Ūly Otan soǧysyna qatysuşylar men mügedekterge Jeŋıs künıne orai jergılıktı biudjetten 150 000 teŋge tölenedı.
Astana qalasy Jūmyspen qamtu jäne äleumettık baǧdarlamalar basqarmasynyŋ osy bastamasy keşe deputattar tarapynan qalalyq mäslihattyŋ kezektı sessiiasynda qoldau tapty.
Sonymen qatar, 9 mamyr merekesıne orai soǧys ardagerlerıne teŋestırılgender de aqşalai kömek alady.
«Qazır qalada tūratyn 292 Ūly Otan soǧysynyŋ qatysuşysy men mügedegıne 150 000 teŋgeden tölenedı. Al, ŪOS qatysuşylar men mügedekterıne jeŋıldıkter men kepıldıkter boiynşa teŋestırılgen 1 871 adam 20 000 teŋgeden alady. Basqa da sanattaǧy azamattarǧa – tyl eŋbekkerlerı, qaza tapqan jauyngerlerdıŋ jesırlerı men otbasylaryna 10 000 teŋge kölemınde kömek körsetıletın bolady» dedı Jūmyspen qamtu jäne äleumettık baǧdarlamalar basqarmasynyŋ bastyǧy Alma Altybaeva.
Onyŋ aituynşa, 9 mamyrǧa jergılıktı biudjetten barlyǧy bır rettık 137 090 000 teŋge äleumettık kömek körsetu josparlanǧan.
Eske salaiyq, bügıngı künı elordada tūratyn barlyq Ūly Otan soǧysyna qatysuşy ardagerler men mügedekter pätermen tolyq qamtylǧan. Sonymen qatar, merekelerdegı bır rettık tölemderden bölek, ardagerlerge basqa da äleumettık kömek türlerı, atap aitqanda, ambulatoriialyq emdelu kezınde därılık preparattarmen qamtamasyz etu, qalalyq qoǧamdyq kölıkterde tegın jüru, sanatoriialyq-kurorttyq em alular, merzımdık basylymdarǧa tegın jazylu, tegın tıs protezın salu men basqa da qyzmetter körsetıledı.
Erkejan SÄTIMBEK
