ARDAGERGE ALǦYS AITTY
Keşe alǧys künın atap öttık. Köktemnıŋ jarşysyndai bolǧan būl atauly künde Saryarqa audanynyŋ äkımdıgı bır top qariialardyŋ basyn qosyp, alǧystaryn jaudyrdy. Solardyŋ ışınde seksennıŋ seŋgırıne şyqqan audannyŋ ardager tūrǧyny Ūzaqbai Maminge erekşe qūrmet körsetıldı.
Merekelık jiynǧa audannyŋ qūrmettı qariialary, ardagerler ūiymynyŋ müşelerı, audan äkımdıgınıŋ qyzmetkerlerı qatysty. Saryarqa audanynyŋ äkımı Arman Tūrlybek söz bastap, qoǧam qairatkerı Ūzaqbai Maminnıŋ talai jylǧy eŋbek jolynan qysqaşa habar berıp, mereitoiymen qūttyqtady. Qariiaǧa qūrmet körsetıp, ülken kölemdegı portretın syiǧa tartty.
– Bügın – köktemnıŋ bırınşı künı. Osy kün men üşın erekşe bastaldy. Seksen jasqa toluymdy eskerusız qaldyrmaǧan Saryarqa audanynyŋ äkımdıgıne rizaşylyǧymdy bıldıremın.
Būl jasqa kelgenşe talai jerde qyzmet etıp, qalanyŋ damuyna azdy-köptı eŋbegımız sıŋdı. Özım eŋbekke erte aralas-tym. Qūrylysşy da boldym. Osy qalada 1963 jyldan bastap ömır sürıp kelemın. Astanada şaŋyraq köterdım, balaly-şaǧaly, übırlı-şübırlı boldym. Qazır äuletıme ǧana emes, osy audanǧa da qadırım baryna quanyştymyn, – dep Ūzaqbai aqsaqal aǧynan jaryldy.
Basqosuda qūrmettı qariialar jeke-jeke söz alyp, Ūzaqbai Maminnıŋ Astananyŋ qalyptasuyna sıŋırgen eŋbegı jönınde baiandap, tuǧan künımen qūttyqtady.
Orynbek ÖTEMŪRAT